കൊട്ടിയത്ത് യുവതി ആത്മഹത്യ ചെയ്ത സംഭവത്തിൽ സീരിയൽ നടി ലക്ഷ്മി പ്രമോദിന് ഇടക്കാല ജാമ്യം. ഒക്ടോബർ 6 വരെ ഇവരെ അറസ്റ്റ് ചെയ്യാൻ പാടില്ലെന്ന് കോടതി. ഈ മാസം മൂന്നിനാണ് പ്രതിശ്രുത വരൻ വിവാഹത്തിൽ നിന്ന് പിന്മാറിയതിനെ തുടർന്ന് റംസി ആത്മഹത്യ ചെയ്തത്.
ആത്മഹത്യയിൽ നടിക്ക് പങ്കുണ്ടെന്ന് നേരത്തേ കുടുംബം ആരോപിച്ചിരുന്നു.
തുടർന്നാണ് ഹാരിസിന്റെ ബന്ധുകൂടിയായ സീരിയൽ നടി ലക്ഷ്മി പ്രമോദ് മുൻകൂർ ജാമ്യത്തിനായി കോടതിയെ സമീപിച്ചത്. കേസ് പരിഗണിച്ച കൊല്ലം സെഷൻസ് കോടതി ഇവർക്ക് ഇടക്കാല മുൻകൂർ ജാമ്യം അനുവദിക്കുകയായിരുന്നു. ഇവർക്ക് ആത്മഹത്യയിൽ പങ്കുണ്ടെന്നും അതിനാൽ ജാമ്യം അനുവദിക്കരുതെന്നും പ്രോസിക്യൂഷൻ കോടതിയിൽ വാദിച്ചിരുന്നു. എന്നാൽ സീരിയൽ ഷൂട്ടിംഗിനായി 6 വരെ ഇവരെ അറസ്റ്റ് ചെയ്യരുതെന്ന പ്രതിഭാഗത്തിന്റെ വാദം കോടതി അംഗീകരിക്കുകയായിരുന്നു.
