പ്രേക്ഷകര്‍ കാത്തിരുന്ന മമ്മൂട്ടിയുടെ ബിഗ് ബജറ്റ് ചിത്രം മാമാങ്കത്തിന്റെ ടീസറെത്തി. മലയാളത്തില്‍ ഇതെവരെ നിര്‍മിച്ചിട്ടുള്ളതില്‍ ഏറ്റവും ചെലവേറിയ സിനിമയുടെ ടീസര്‍ ആവേശം പകരുന്നതാണ്.
ഉണ്ണി മുകുന്ദന്‍, ബാല താരം അച്യുതന്‍ എന്നിവരാണ് ടീസറില്‍ നിറഞ്ഞു നില്‍ക്കുന്നത്. ടീസറിന്റെ അവസാനം വലിയ പ്രതീക്ഷ തരുന്ന ഇന്‍ട്രോടക്ഷനാണ് മമ്മൂട്ടിക്ക്.
എം. പത്മകുമാര്‍് സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയത് ശങ്കര്‍ രാമകൃഷ്ണനാണ്. മലയാളത്തിനു പുറമേ, തമിഴ്, തെലുങ്ക്, ഹിന്ദി ഭാഷകളിലും ചിത്രം റിലീസ് ചെയ്യുന്നുണ്ട്. ഉണ്ണി മുകുന്ദന്‍, കനിഹ, അനു സിത്താര, സിദ്ദീഖ്, തരുണ്‍ അറോറ, സുദേവ് നായര്‍, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാന്‍, മാസ്റ്റര്‍ അച്യുതന്‍ എന്നിവരാണ് ചിത്രത്തിലെ മറ്റ് താരങ്ങള്‍.
