ആധാറും പാൻകാർഡും ബന്ധിപ്പിക്കാനുള്ള അവസാന തീയതി 2023 മാര്ച്ച് 31 ൽ നിന്ന് 2023 ജൂണ് 30 വരെ നീട്ടി. സെന്ട്രല് ബോര്ഡ് ഓഫ് ഡയറക്ട് ടാക്സസ്(സിബിഡിടി) ആണ് സമയം നീട്ടിയത്.
ജൂണ് 30നകം ആധാറും പാനും ബന്ധിപ്പിച്ചില്ലെങ്കില് ജൂലായ് ഒന്ന് മുതല് പാന് കാര്ഡ് പ്രവര്ത്തനരഹിതമാകുമെന്നാണ്് സിബിഡിടി നേരത്തെ മുന്നറിയിപ്പ് നല്കിയിരുന്നത്. ആധാറും പാനും ബന്ധിപ്പിക്കാനുള്ള സമയപരിധി നേരത്തെ പലതവണ നീട്ടി നല്കിയിരുന്നു.
പിന്നീട് 2022 ഏപ്രില് മുതല് ജൂണ് വരെ 500 രൂപയും പിന്നാലെ ആയിരം രൂപയും പിഴ ഏര്പ്പെടുത്തിയിരുന്നു. നിലവില് പാനും ആധാറും ബന്ധിപ്പിക്കണമെങ്കില് ആയിരം രൂപ പിഴ നല്കണം
