ആമസോണിയ-ഒന്നിന്റെ വിക്ഷേപണത്തിന്റെ ആദ്യ ഘട്ടം വിജയം. ശ്രീഹരിക്കോട്ടയിലെ സതീഷ് ധവാന് ബഹിരാകാശ കേന്ദ്രത്തിലെ ആദ്യ വിക്ഷേപണ തറയില് നിന്ന് ഞായറാഴ്ച രാവില 10.24 നായിരുന്നു വിക്ഷേപണം.ഇസ്റോയുടെ ആദ്യസമ്പൂര്ണ്ണ വിക്ഷേപണദൗത്യമാണിത്.
പോളാര് സാറ്റലൈറ്റ് ലോഞ്ച് വെഹിക്കിള് (പിഎസ്എല്വിസി 51) റോക്കറ്റിലെ പ്രധാന ഉപഗ്രഹം ബ്രസീലില് നിന്നുള്ള ആമസോണിയ 1 ആണ്. ഇതോടൊപ്പം തന്നെ മറ്റു 18 ചെറിയ ഉപഗ്രഹങ്ങളും വിക്ഷേപിച്ചു.
പ്രധാനമന്ത്രി നരേന്ദ്ര മോദിയുടെ ഫോട്ടോ, ഭഗവദ്ഗീതയുടെ ഇലക്ട്രോണിക് പതിപ്പ് എന്നിവയാണ് വിക്ഷേപണത്തിലെ ശ്രദ്ധേയമായ ചില വശങ്ങള്. മോദിയുടെ ഫോട്ടോ, ഭഗവദ്ഗീതയുടെ പകര്പ്പ്, 25,000 ഇന്ത്യക്കാരുടെ പേരുകള് എന്നിവയാണ് ബഹിരാകാശത്തേക്ക് വിക്ഷേപിച്ചത്് ഇതെല്ലാം സതീഷ് ധവാന് സാറ്റലൈറ്റ് (എസ്ഡി സാറ്റ്) വഴിയാണ് ബഹിരാകാശത്തേക്ക് കൊണ്ടുപോകുന്നത്.
https://twitter.com/ANI/status/1365889091959623686?ref_src=twsrc%5Etfw%7Ctwcamp%5Etweetembed%7Ctwterm%5E1365889091959623686%7Ctwgr%5E%7Ctwcon%5Es1_&ref_url=https%3A%2F%2Fwww.madhyamam.com%2Findia%2Fisro-to-launch-amazonia-1-772781
ഇന് സ്പേസിന്റെ നാല് ഉപഗ്രഹങ്ങളില് സ്വകാര്യ കമ്പനിയായ സ്പേസ് കിഡ്സ് ഇന്ത്യ നിര്മിച്ച ‘സതീഷ് ധവാന് ഉപഗ്രഹ’ (എസ്.ഡി. സാറ്റ്)വും ഉള്പ്പെടും. ഈ ഉപഗ്രഹത്തില് പ്രധാനമന്ത്രി നരേന്ദ്ര മോദിയുടെ ചിത്രവും ഐ.എസ്.ആര്.ഒ. ചെയര്മാന് ഡോ. കെ. ശിവന് ഉള്പ്പെടെ രാജ്യത്തെ 5,000-ത്തോളം വ്യക്തികളുടെ പേരുകളും ഉണ്ടാകും.
