കുന്ദമംഗലം: കുന്ദമംഗലം ബ്ലോക്ക് പഞ്ചായത്ത് പ്രസിഡൻ്റായി സി.കെ. ഫസീലയും വൈസ് പ്രസിഡൻ്റായി വിനോദ് പടനിലവും അധികാരമേറ്റു. ഇന്നലെ നടന്ന തെരഞ്ഞെടുപ്പിൽ ഫസീലക്ക് 15 വോട്ടുകൾ ലഭിച്ചപ്പോൾ, എതിർ സ്ഥാനാർഥിയായ എൽ.ഡി.എഫ് സ്ഥാനാർഥി ദീപക്ക് 5 വോട്ടുകളാണ് ലഭിച്ചത്.
വൈസ് പ്രസിഡൻ്റായി തെരഞ്ഞെടുക്കപ്പെട്ട വിനോദ് പടനിലം കുന്ദമംഗലം ഡിവിഷനിൽ നിന്നാണ് വിജയിച്ചത്. വൈസ് പ്രസിഡൻ്റ് തെരഞ്ഞെടുപ്പിൽ വിനോദിന് 15 വോട്ടുകൾ ലഭിച്ചപ്പോൾ എതിർ സ്ഥാനാർഥി ആബിദിനും 5 വോട്ടുകളാണ് ലഭിച്ചത്.
