ന്യൂയോര്ക്ക്: അമേരിക്കയില് മൂന്ന് പലസ്തീന് വിദ്യാര്ത്ഥികള്ക്ക് വെടിയേറ്റു. ഹിസാം അവര്ത്ഥാനി, കിന്നന് അബ്ഡേല് ഹമീദ്, തസീം അഹമ്മദ് എന്നിവര്ക്കാണ് വെടിയേറ്റത്. വെര്മോണ്ടിലെ യൂണിവേഴ്സിറ്റി ക്യാമ്പസിന് സമീപത്ത് വെച്ചാണ് മൂന്ന് വിദ്യാര്ത്ഥികള്ക്ക് നേരെ വെടിവെപ്പുണ്ടായത്. വെടിയുതിര്ത്ത അക്രമി ഓടി രക്ഷപ്പെട്ടു. സംഭവത്തില് വിദ്വേഷ കൊലപാതകത്തിന്റെ പേരില് പൊലീസ് കേസെടുത്ത് അന്വേഷണം ആരംഭിച്ചു.
വിദ്യാര്ത്ഥികള് തെരുവിലൂടെ നടക്കുമ്പോള് അക്രമി വെടിയുതിര്ക്കുകയായിരുന്നു. ഒരു വിദ്യാര്ത്ഥിയുടെ നട്ടെല്ലിനാണ് വെടിയേറ്റത്. രണ്ടു വിദ്യാര്ത്ഥികള് അമേരിക്കന് പൗരത്വമുള്ളവരാണ്. മൂന്നാമത്തെ ആള് നിയമപരമായ താമസക്കാരനാണ്. വെടിയേറ്റ മൂന്നുപേരില് രണ്ട് പേരുടെ നില തൃപ്തികരമാണ്. നട്ടെല്ലിനു വെടിയേറ്റ വിദ്യാര്ത്ഥിയുടെ ആരോഗ്യത്തിലാണ് ആശങ്ക. അക്രമി പിസ്റ്റളില് നിന്ന് നാല് തവണയെങ്കിലും വെടിയുതിര്ത്തു എന്നാണ് റിപ്പോര്ട്ട്.
