2024 ഓസ്കറിലേക്കുള്ള ഇന്ത്യയുടെ ഔദ്യോഗിക എന്ട്രിയായി ജൂഡ് ആന്തണി ജോസഫ് സംവിധാനം ചെയ്ത 2018 എവരി ഒൺ ഈസ് എ ഹീറോ.കേരളം ഒരിക്കലും മറക്കാൻ കഴിയാത്ത 2018 എന്ന വർഷവും പ്രളയവും പ്രേക്ഷകര്ക്ക് മുന്നില് ഒരു നേര്ക്കാഴ്ചയെന്നോണം അവതരിപ്പിക്കുന്ന ഈ ചിത്രത്തില് മലയാളികളുടെ മനോധൈര്യത്തിന്റെയും ആത്മവിശ്വാസത്തിന്റെയും ഒത്തൊരുമയുടെയും കഥയാണ് 2018 എന്ന ചിത്രത്തിൽ പറയുന്നത്.
30 കോടി മുതല് മുടക്കില് ഒരുക്കിയ ചിത്രം ബോക്സ്ഓഫീസില് 200 കോടി സ്വന്തമാക്കി, പ്രേക്ഷകരുടെയും നിരൂപകരുടെയും പ്രശംസ നേടുകയും ചെയ്തു.
ടൊവിനോ തോമസ്, കുഞ്ചാക്കോ ബോബന്, ആസിഫ് അലി, വിനീത് ശ്രീനിവാസന്, ഇന്ദ്രന്സ്, ലാല്, നരേന്, അപര്ണ്ണ ബാലമുരളി, തന്വി റാം, സുധീഷ്, സിദ്ദിഖ്, രഞ്ജി പണിക്കര്, ജാഫര് ഇടുക്കി, അജു വര്ഗ്ഗീസ്, ജിബിന് ഗോപിനാഥ്, ഡോക്ടര് റോണി, ശിവദ, വിനിത കോശി തുടങ്ങി മലയാളത്തിലെ മുന്നിരതാരങ്ങളെ അണിനിരത്തി ഒരുക്കിയ ‘2018’ മെയ് 5 -നാണ് തിയറ്റര് റിലീസ് ചെയ്തത്.
‘കാവ്യ ഫിലിംസ്’, ‘പി കെ പ്രൈം പ്രൊഡക്ഷന്സ് ‘എന്നിവയുടെ ബാനറില് വേണു കുന്നപ്പള്ളി, സി.കെ. പത്മകുമാര്, ആന്റോ ജോസഫ് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്. അഖില് പി. ധര്മജന്റെതാണ് സഹതിരക്കഥ. അഖില് ജോര്ജ്ജാണ് ഛായാഗ്രാഹകന്. ചമന് ചാക്കോ ചിത്രസംയോജനം നിര്വ്വഹിക്കുന്ന ചിത്രത്തിന്റെ സംഗീതം നോബിന് പോളും സൗണ്ട് ഡിസൈന് വിഷ്ണു ഗോവിന്ദുമാണ് കൈകാര്യം ചെയ്തിരിക്കുന്നത്.
