ജമ്മു കശ്മീരിലെ ലഡാക്കില് സൈനിക വാഹനം നദിയിലേക്ക് മറിഞ്ഞ് ഏഴ് സൈനികര് മരിച്ചു. 19 സൈനികര്ക്ക് പരിക്കേറ്റു. ഇന്ത്യ- ചൈന അതിര്ത്തിയിലെ തുര്തുക് സെക്ടറിലേക്കു പോകും വഴി ഇവര് സഞ്ചരിച്ച വാഹനം നിയന്ത്രണം വിട്ട് ഷ്യോക് നദിയിലേക്കു വീഴുകയായിരുന്നു. 26 സൈനികരാണു വാഹനത്തിലുണ്ടായിരുന്നത്. ഇതില് ചിലര്ക്ക് ഗുരുതര പരുക്കേറ്റിട്ടുണ്ട്. ഇന്ന് രാവിലെ ഒന്പതിനാണു സംഭവം.
പര്താപൂറില് നിന്ന് ഹനിഫിലേക്ക് നീങ്ങുകയായിരുന്ന സൈനികരുടെ സംഘമാണ് അപകടത്തില്പ്പെട്ടത്. തോയ്സില് നിന്ന് 25 കിലോമീറ്റര് അകലെയായിരുന്നു അപകടം.
റോഡില് നിന്ന് 50-60 അടി താഴ്ചയിലുള്ള ഷിയോക് നദിയിലേക്ക് വാഹനം പതിക്കുകയായിരുന്നു. പരുക്കേറ്റവര്ക്കെല്ലാം വൈദ്യസഹായം നല്കുന്നുണ്ട്. ഗുരുതരമായി പരുക്കേറ്റവരെ വെസ്റ്റേണ് കമാന്ഡിലേക്ക് മാറ്റുന്നതിനായ വ്യോമസേനയുടെ സഹായം അഭ്യര്ഥിച്ചിട്ടുണ്ടെന്നും വക്താവ് പറഞ്ഞു.
