ഭാരത് ജോഡോ യാത്രയെയും രാഹുൽ ഗാന്ധിയുടെ പ്രസംഗങ്ങളെയും പ്രശംസിച്ച് തമിഴ്നാട് മുഖ്യമന്ത്രി എം.കെ സ്റ്റാലിന്.തമിഴ്നാട്ടിലെ മുതിര്ന്ന കോണ്ഗ്രസ് നേതാവ് എ. ഗോപണ്ണയുടെ ‘മാമനിതര് നെഹ്റു’ എന്ന പുസ്തകത്തിന്റെ പ്രകാശന ചടങ്ങില് സംസാരിക്കവെയാണ് സ്റ്റാലിന് രാഹുല് ഗാന്ധിയെയും ഭാരത് ജോഡോ യാത്രയേയും ആവോളം പ്രശംസിച്ചത്.രാഹുലിന്റെ പ്രസംഗങ്ങള് രാജ്യത്ത് വലിയ പ്രകമ്പനങ്ങള് സൃഷ്ടിക്കുന്നുവെന്നും തിരഞ്ഞെടുപ്പ് രാഷ്ട്രീയത്തിനും കക്ഷി രാഷ്ട്രീയത്തിനുമുപരി പ്രത്യയശാസ്ത്രത്തിന്റെ രാഷ്ട്രീയമാണ് അദ്ദേഹം സംസാരിക്കുന്നതെന്നും സ്റ്റാലിന് പറഞ്ഞു. മതേതരത്വത്തിന്റെയും സമത്വത്തിന്റെയും മൂല്യങ്ങള് ഉയര്ത്തിപ്പിടക്കേണ്ടതുണ്ട്. അതിന് നെഹ്റുവിനേയും മഹാത്മാഗാന്ധിയേയും പോലുള്ള നേതാക്കള് രാജ്യത്തിനാവശ്യമാണ്. ഒരു യഥാര്ഥ ജനാധിപത്യവാദിയായിരുന്നു നെഹ്റുവെന്നും അതുകൊണ്ടാണ് എല്ലാ ജനാധിപത്യശക്തികളും അദ്ദേഹത്തെ വാഴ്ത്തുന്നതെന്നും സ്റ്റാലിന് പറഞ്ഞു. അദ്ദേഹം ചിലപ്പോള് നെഹ്റുവിനെ പോലെയാണ് സംസാരിക്കുന്നത്. നെഹ്റുവിന്റെ കൊച്ചുമകന് അങ്ങനെ സംസാരിച്ചില്ലെങ്കിലേ അത്ഭുതമുള്ളൂ. മഹാത്മാഗാന്ധിയുടെയും നെഹ്റുവിന്റെയും അനന്തരാവകാശികള് നടത്തുന്ന പ്രസംഗങ്ങള് ഗോഡ്സെയുടെ പിന്ഗാമികളില് കയ്പുണ്ടാക്കും.
രാജ്യത്ത് മതേതരത്വവും സമത്വവും നിലനിര്ത്താന് ജവഹര്ലാല് നെഹ്റുവിനെയും മഹാത്മാ ഗാന്ധിയെയും പോലുള്ള നേതാക്കളെ ആവശ്യമാണ്. നെഹ്റു യഥാര്ഥ ജനാധിപത്യവാദിയായിരുന്നു. പാര്ലമെന്ററി ജനാധിപത്യത്തിന്റെ പ്രതീകമായിരുന്നു. അതുകൊണ്ടാണ് എല്ലാ ജനാധിപത്യ ശക്തികളും അദ്ദേഹത്തെ വാഴ്ത്തുന്നത്,’ സ്റ്റാലിന് പറഞ്ഞു.
