കോഴിക്കോട് :കർണാടകയിലെ ഷിരൂരിൽ മണ്ണിടിച്ചിലിൽ ലോറിയോടൊപ്പം കാണാതായ അർജുനിന്ന് വേണ്ടി തിരച്ചിൽ തുടരണമെന്ന് കേരള നദ് വതുൽ മുജാഹിദീൻ (കെ.എൻ.എം) സംസ്ഥാന ഉപാദ്ധ്യക്ഷൻ ഡോ. ഹുസൈൻ മടവൂർ ആവശ്യപ്പെട്ടു. അർജുൻ്റെ കുടുംബത്തെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. കേരളം മുഴുവൻ അർജുനിനോടൊപ്പമുണ്ടെന്നും അർജുൻ പെട്ടെന്ന് തിരിച്ചെത്താൻ വേണ്ടി പ്രാർത്ഥിക്കുന്നുണ്ടെന്നും അദ്ദേഹം പറഞ്ഞു. ഈശ്വരൻ്റെ വിധി ക്ഷമയോടെ സ്വീകരിക്കുകയല്ലാതെ നമുക്ക് വേറെ വഴിയില്ലെന്ന് അർജ്ജുൻ്റെ മാതാപിതാക്കളോടും ഭാര്യയോടും സഹോദരങ്ങളോടും അദ്ദേഹം പറഞ്ഞു.കണ്ണാടിക്കൽ ശാഖാ കെ. എൻ. എം പ്രവർത്തകരായ ആലിക്കോയ, അബ്ദുൽ അസീസ്, അബൂബക്കർ, ഷൗക്കത്ത്, സലീം, മൊയ്തീൻ കോയ തുടങ്ങിയവരും മടവൂരിനോടൊപ്പമുണ്ടായിരു.
അർജുനിന്ന് വേണ്ടി തിരച്ചിൽ തുടരണം, പ്രാർത്ഥിക്കണം: ഡോ.ഹുസൈൻ മടവൂർ.
