കുന്ദമംഗലം: പൊതുവിതരണ കേന്ദ്രങ്ങളിൽ കമ്മീഷൻ വർധനവ് ഉൾപ്പെടെയുള്ള കാലാനുസൃതമായ മാറ്റം വേണമെന്ന് ആൾ കേരള റേഷൻ ഡീലേഴ്സ് സംസ്ഥാന ജനറൽ സെക്രട്ടറി ടി.മുഹമ്മദലി. കുന്ദമംഗലം സാംസ്കാരിക നിലയത്തിൽ നടന്ന റേഷൻ വ്യാപാരി സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. റേഷൻ സാധനങൾ യഥാസമയങ്ങളിൽ തൂക്ക കൃത്യത ഉറപ്പു വരുത്തി കടകളിൽ എത്തിക്കാനുള്ള നടപടി സ്വീകരിക്കണമെന്നും, മണ്ണണ്ണക്ക് കമ്മീഷൻ വർധിപ്പിച്ച് റേഷൻ കടകളിലൂടെ വിതരണം നടത്തണമെന്നും, ഇടക്കിടെയുണ്ടാകുന്ന തൊഴിൽ സമരങ്ങൾ ഒഴിവാക്കി സുതാര്യത ഉറപ്പു വരുത്തണമെന്നും അദ്ദേഹം കൂട്ടിച്ചേർത്തു .ഇ.ധർമ്മരാജൻ അദ്ധ്യക്ഷത വഹിച്ചു.താലൂക്ക് സെക്രട്ടറി എംഎ സുനിൽകുമാർ, രാധാകൃഷ്ണൻ ചൂലൂർ സംസാരിച്ചു. പുതിയ ഭാരവാഹികൾ ഇ.ധർമ്മജർ ( ചെയർമാൻ) , ഷിജിത് ലാൽ (കൺവീനർ) രക്ഷാധികാരിയായി രാധാകൃഷ്ണൻ ചുലൂർ, വി മഞ്ചു കൃഷ്ണൻ , എം എ ദേവൻ എന്നിവരെ തിരഞ്ഞെടുത്തു.
