സുധ കൊങ്കര സംവിധാനം ചെയ്ത് സൂര്യയെ നായകനായ തമിഴ് ചിത്രം ‘സൂരറൈ പോട്ര്’ മികച്ച നടന്, മികച്ച നടി, മികച്ച സംവിധായകന്, മികച്ച ഒര്ജിനല് സ്കോര് തുടങ്ങിയ വിഭാഗങ്ങളിൽ ഓസ്കറില് മത്സരിക്കുന്ന വിവരം അണിയറ പ്രവര്ത്തകര് നേരത്തെ പുറത്ത് വിട്ടിരുന്നു. പ്രാഥമിക ഘട്ടത്തില് തിരഞ്ഞെടുത്ത 366 ചിത്രങ്ങളില് ഒന്നായി മാറിയിരിക്കുകയാണ് ചിത്രം ഇപ്പോൾ.ജനറല് ക്യാറ്റഗറിയിലാണ് ചിത്രം മത്സരിക്കുന്നത്. ചിത്രത്തിന്റെ സഹനിര്മാതാവായ രാജശേഖര് പാണ്ഡ്യനാണ് ഈ വിവരം പുറത്ത് വിട്ടത്.
കോവിഡ് പ്രതിസന്ധി ഉള്ളതിനാല് മത്സര ചിത്രങ്ങള്ക്കുള്ള നിയമങ്ങളില് അക്കാദമി പലവിധ മാറ്റങ്ങളും വരുത്തിയിരുന്നു. സാധാരണ ജൂറി അംഗങ്ങള്ക്കായി ലോസ് ഏഞ്ജലീസില് സിനിമയുടെ അണിയറപ്രവര്ത്തകര് തന്നെ ഷോ സംഘടിപ്പിക്കുകയാണ് പതിവ്. എന്നാല് ഇത്തവണ എല്ലാം വിര്ച്വല് ആണ്. ഓണ്ലൈനായാണ് ജൂറി അംഗങ്ങള് സിനിമ കണ്ടത്. അടുത്ത ഘട്ടത്തില് ഈ മാസം 28 മുതല് യു.എസിലെ ആറ് പ്രധാന നഗരങ്ങളിലെ ഏതെങ്കിലും തിയറ്ററുകളില് ചിത്രം പ്രദര്ശിപ്പിക്കണം. മാര്ച്ച് 5 മുതല് 10 വരെ നടക്കുന്ന വോട്ടിംഗിനു ശേഷം 15-ന് ഈ വര്ഷത്തെ നോമിനേഷനുകള് പ്രഖ്യാപിക്കും.
കൊവിഡ് പശ്ചാത്തലം പരിഗണിച്ച് സിനിമകള്ക്ക് മത്സരിക്കാനുള്ള മാനദണ്ഡങ്ങളില് അക്കാദമി ചില അയവുകള് വരുത്തിയിരുന്നു. ഇതാണ് സൂരറൈ പോട്രിനു മുന്നില് സാധ്യത തുറന്നത്. തിയറ്ററുകള് ഏറെക്കുറെ അടഞ്ഞുകിടന്ന വര്ഷമാണ് കടന്നുപോയത് എന്നതിനാല് ഡയറക്ട് ഒടിടി റിലീസുകള്ക്കും ഇത്തവണ മത്സരത്തില് പങ്കെടുക്കാനുള്ള അവസരമുണ്ടായിരുന്നു. എന്നാല് ഈ മാസം 28 മുതല് യുഎസിലെ ആറ് പ്രധാന നഗരങ്ങളിലെ ഏതെങ്കിലും തിയറ്ററുകളിലോ ഡ്രൈവ് ഇന് തിയറ്ററുകളിലോ അത്തരം ചിത്രങ്ങളും ഒരാഴ്ച പ്രദര്ശിപ്പിക്കണമെന്ന് നിയമാവലിയിലുണ്ട്. മാര്ച്ച് 5 മുതല് 10 വരെ നടക്കുന്ന വോട്ടിംഗിനു ശേഷം 15ന് ഈ വര്ഷത്തെ നോമിനേഷനുകള് പ്രഖ്യാപിക്കും. കഴിഞ്ഞ തവണ 344 ചിത്രങ്ങളായിരുന്നു മത്സരിക്കാന് യോഗ്യത നേടിയത്.
