സി പി ഐ എം സംസ്ഥാന സമ്മേളത്തിൻ്റെ ഭാഗമായി സംഘടിപ്പിക്കുന്ന അഖിലേന്ത്യ കബഡി ടൂർണമെൻ്റിൽ വനിതാ വിഭാഗത്തിൽ കൊല്ലവും കോഴിക്കോടും ഫൈനലിൽ. പുരുഷ വിഭാഗത്തിൽ ആദ്യജയം തെലങ്കാനയ്ക്ക്.വനിതാ വിഭാഗം സെമിയിൽ കൊല്ലം കോട്ടയത്തെ തോൽപിച്ചു (33 – 29). കോഴിക്കോട് ആലപ്പുഴയെ തോൽപിച്ചാണ് (32 – 23) ഫൈനലിൽ എത്തിയത്. പുരുഷൻമാരുടെ ആദ്യ മത്സരത്തിൽ വാശിയേറിയ പോരാട്ടത്തിൽ തെലങ്കാന മഹാരാഷ്ട്രയെ (25 – 24) മറി കടന്നു.
പാരിപ്പള്ളി ഉദയ് ഇൻസ്റ്റിറ്റ്യൂട്ട് ഓഫ് കബഡിയിൽ നടക്കുന്ന ടൂർണമെൻ്റിൻ്റെ ഫൈനൽ പോരാട്ടങ്ങൾ ഇന്നു വൈകിട്ട് 5 ന് നടക്കും.
