കൊവിഡിന്റെ പുതിയ വകഭേദം കണ്ടെത്തിയതിന്റെ പശ്ചാത്തലത്തില് കര്ണാടകയിൽ ഏര്പ്പെടുത്തിയ രാത്രികാല കര്ഫ്യൂ പിന്വലിച്ചു. പൊതുജനങ്ങളില് നിന്നുള്ള പ്രതികരണത്തെ തുടര്ന്നാണിതെന്ന് മുഖ്യമന്ത്രി ബി എസ് യെദ്യൂരപ്പയുടെ ഓഫീസ് പ്രസ്താവനയില് പറഞ്ഞു.
പൊതുജനാഭിപ്രായം കണക്കിലെടുത്ത് തീരുമാനം പുനഃപരിശോധിച്ചുവെന്നും മന്ത്രിമാരുമായും മുതിര്ന്ന ഉദ്യോഗസ്ഥരുമായും കൂടിയാലോചിച്ച ശേഷം രാത്രികാല കര്ഫ്യൂ പിന്വലിക്കാന് തീരുമാനിച്ചതായും പ്രസ്താവനയില് പറയുന്നു. കൊവിഡ് പടരാതിരിക്കാന് മുഖാവരണം ധരിക്കുകയും കൈകളുടെ ശുചിത്വവും സാമൂഹിക അകലവും പാലിക്കണമെന്നും യെദ്യൂരപ്പ അഭ്യര്ത്ഥിച്ചു.
