മംഗളൂരു: കൈക്കൂലി വാങ്ങിയ വില്ലേജ് ഓഫീസര് പിടിയില്. ചെല്യാരു വില്ലേജ് ഓഫിസര് കെ. വിജിത്താണ് അറസ്റ്റിലായത്. മുത്തച്ഛന്റെ മരണ സര്ട്ടിഫിക്കറ്റ് ലഭ്യമാക്കാന് അപേക്ഷകനില്നിന്ന് 13000 രൂപ കൈക്കൂലി വാങ്ങുന്നതിനിടെ വില്ലേജ് ഓഫിസറെ ലോകായുക്ത പൊലീസ് അറസ്റ്റ് ചെയ്തത്. മാതാവിന് അവകാശപ്പെട്ട 42 സെന്റ് സ്ഥലം വില്പന നടത്താന് മംഗളൂരുവിലെ ദക്ഷിണ കന്നട ജില്ല ഡെപ്യൂട്ടി കമീഷണര് ഓഫിസില് ഹാജരാക്കാന് ആവശ്യപ്പെട്ട രേഖകളില് മരണസര്ട്ടിഫിക്കറ്റും ഉള്പ്പെട്ടിരുന്നു. ഇതിനായി കഴിഞ്ഞ സെപ്റ്റംബറില് അപേക്ഷ നല്കി. പലതവണ വില്ലേജ് ഓഫിസില് കയറിയിറങ്ങിയെങ്കിലും സര്ട്ടിഫിക്കറ്റ് ലഭ്യമായില്ല. ഈ മാസം 20ന് വിജിതിന്റെ മെബൈല് ഫോണില് ബന്ധപ്പെട്ടപ്പോള് സര്ട്ടിഫിക്കറ്റ് ശരിയായിട്ടുണ്ടെന്നും ഓഫിസില് ചെന്ന് കൈപ്പറ്റാനും അറിയിച്ചു. ഏറ്റുവാങ്ങാന് ചെന്നപ്പോള് 15000 രൂപ കൈക്കൂലി ആവശ്യപ്പെട്ടു. രണ്ടുദിവസം കഴിഞ്ഞ് വീണ്ടും ബന്ധപ്പെട്ടപ്പോള് കൈക്കൂലി തുകയില് 2000 രൂപയുടെ ഇളവ് അനുവദിച്ചു. ലോകായുക്തയെ സമീപിച്ച അപേക്ഷകന് അവര് അടയളപ്പെടുത്തി നല്കിയ പണം വിജിതിന് കൈമാറുകയായിരുന്നു. പിന്നാലെ അറസ്റ്റ് ചെയ്തു.
മരണ സര്ട്ടിഫിക്കറ്റിന് 13000 രൂപ കൈക്കൂലി വാങ്ങി; വില്ലേജ് ഓഫീസര് പിടിയില്
