ദുല്ഖര് സല്മാന് ചിത്രം കുറുപ്പ് ബോക്സ് ഓഫീസില് 75 കോടി കളക്ഷന് നേടി.പ്രേക്ഷകര്ക്ക് നന്ദിപറഞ്ഞ് കൊണ്ട് ദുല്ഖര് തന്നെയാണ് ഇക്കാര്യം സാമൂഹിക മാധ്യമങ്ങളിലൂടെ അറിയിച്ചത്. ചിത്രത്തെ പ്രേക്ഷകര് സ്നേഹത്തോടെ സ്വീകരിച്ചുവെന്ന് ദുല്ഖര് തന്റെ ഫേസ്ബുക്കില് കുറിച്ചു.
ചിത്രം ലോകവ്യാപകമായി 35,000 ഷോകളാണ്പൂര്ത്തിയാക്കിയത്.
കുറുപ്പ് റിലീസ് ചെയ്ത് നാല് ദിവസം കൊണ്ടാണ് അമ്പത് കോടി ക്ലബില് ഇടം നേടിയത്. അമ്പത് ശതമാനം സീറ്റിംഗ് കപ്പാസിറ്റിയില് റിലീസ് ചെയ്ത സിനിമ ആദ്യ ദിനം കേരളത്തില് നിന്ന് ആറ് കോടി മുപ്പത് ലക്ഷം ഗ്രോസ് കളക്ഷന് നേടിയിരുന്നു.
1500 തിയറ്ററുകളിലായി നവംബര് 12നായിരുന്നു കുറുപ്പിന്റെ റിലീസ്. മലയാളത്തിന് പുറമേ തമിഴ്, തെലുങ്ക്, ഹിന്ദി, കന്നഡ പതിപ്പുകളിലാണ് ചിത്രം എത്തിയത്. കേരളത്തില് മാത്രം 450 തിയറ്ററുകള്ക്ക് മുകളില് റിലീസുണ്ടായിരുന്നു. ശ്രീനാഥ് രാജേന്ദ്രന് സംവിധാനം ചെയ്ത ചിത്രം നിര്മ്മിച്ചത്, ദുല്ഖറിന്റെ ഉടമസ്ഥതയിലുള്ള വേഫെറര് ഫിലിംസും എംസ്റ്റാര് എന്റര്ടെയ്ന്മെന്റ്സും ചേര്ന്നായിരുന്നു.