തൃക്കാക്കരയിൽ മർദ്ദനത്തിനിരയായി ചികിത്സയിൽ കഴിയുന്ന രണ്ടര വയസ്സുകാരി കണ്ണു തുറന്നുവെന്നും പ്രതികരിച്ച് തുടങ്ങിയെന്നും ഡോക്ടർമാര് പറഞ്ഞു.കുട്ടിയുടെ മേലുണ്ടായ പരിക്ക് സ്വയം ഏൽപിച്ചതല്ലെന്നും സ്ഥിരീകരിച്ചെന്നും ഡോക്ടർമാർ അറിയിച്ചു. കുട്ടിയെ എടുത്ത് ഉയർത്തി അതിശക്തമായി കുലുക്കിയാൽ ഉണ്ടാകുന്ന പരിക്കുകളാണ് കണ്ടത്. കുട്ടിക്ക് സ്വയം ഇത് ചെയ്യാൻ കഴിയില്ലെന്നും ഡോക്ടർമാർ പറഞ്ഞു. അതേസമയം കുട്ടിയുടെയും കുടുംബത്തിന്‍റെയും ഒപ്പം താമസിച്ചിരുന്ന ആന്റണി ടിജിനെ പൊലീസ് കസ്റ്റഡിയിലെടുത്തു. മൈസൂരിൽ വെച്ചാണ് ആന്റണി ടിജിന് കസ്റ്റഡിയിലായത്. പൊലീസ് ആന്റണിയെ ചോദ്യം ചെയ്യുകയാണ്. കുട്ടിയുടെ അമ്മയുടെ സഹോദരിക്കും മകനും ഒപ്പമാണ് ആന്റണി മൈസൂരിൽ എത്തിയത്. മൂന്ന് പേരെയും ഇന്ന് കൊച്ചിയിൽ എത്തിക്കും.
തൃക്കാക്കരയിൽ കുഞ്ഞിന് മർദ്ദനമേറ്റ സംഭവം;രണ്ടര വയസ്സുകാരി കണ്ണു തുറന്നു,ആന്റണി ടിജിൻ കസ്റ്റഡിയിൽ
