ഗോവയിൽ കൂറുമാറ്റം ആവര്ത്തിക്കാതിരിക്കാന് ഇത്തവണ തിരഞ്ഞെടുപ്പിന് മുമ്പേ തയ്യാറെടുത്ത് കോൺഗ്രസ്. ഇതുവരെ പ്രഖ്യാപിച്ച 36 സ്ഥാനാര്ഥികളെ അമ്പലത്തിലും പള്ളികളിലും എത്തിച്ച് ജയിച്ചാല് പാര്ട്ടിക്കൊപ്പം തന്നെ ഉറച്ച് നില്ക്കുമെന്ന് പ്രതിജ്ഞ എടുപ്പിച്ചിരിക്കുകയാണ് കോണ്ഗ്രസ്സ് .ജനങ്ങളിൽ കോൺഗ്രസ് സ്ഥാനാർത്ഥികൾക്കുള്ള അവിശ്വാസം നീക്കാൻ വേണ്ടിയാണ് നടപടി എന്നാണ് കോൺഗ്രസ് നേതൃത്വത്തിന്റെ വിശദീകരണം. ഫെബ്രുവരി 14നാണ് ഗോവയിൽ തെരഞ്ഞെടുപ്പ് നടക്കുന്നത്.2019 ൽ സംഭവിച്ചതുപോലെയുള്ള കൂറുമാറ്റം ഇത്തവണ ഉണ്ടാകില്ലെന്ന് ഉറപ്പിക്കുകയാണ് സത്യപ്രതിജ്ഞ ചെയ്യിക്കലിലൂടെ കോൺഗ്രസ്.ശനിയാഴ്ച കോണ്ഗ്രസിന്റെ 36 സ്ഥാനാര്ത്ഥികള് ക്ഷേത്രത്തിലും ക്രിസ്ത്യന് പള്ളിയിലും മുസ്ലീം പള്ളിയിലും തങ്ങളുടെ പാര്ട്ടിയോട് കൂറ് പുലര്ത്തുമെന്ന് പ്രതിജ്ഞയെടുത്തു.
മത്സരത്തിൽ ജയിച്ചാൽ അടുത്ത അഞ്ച് വർഷം പാർട്ടിക്കൊപ്പം തന്നെ ഉറച്ച് നിൽക്കുമെന്നാണ് സ്ഥാനാർത്ഥികളെക്കൊണ്ട് സത്യം ചെയ്യിച്ചിരിക്കുന്നത്. ജയിച്ച് കഴിഞ്ഞാൽ പാർട്ടി വിടുന്നത് കോൺഗ്രസ് സ്ഥാനാർത്ഥികൾക്കിടയിൽ പതിവായ സാഹചര്യത്തിലാണ് ഇത്തരമൊരു നടപടി.
ഞങ്ങൾക്ക് സ്ഥാനാർത്ഥിത്വം തന്ന കോൺഗ്രസ് പാർട്ടിയോട് വിശ്വസ്തരായി തുടരുമെന്ന് പ്രതിജ്ഞ ചെയ്യുന്നു…
എന്ത് സാഹചര്യമുണ്ടായാലും തെരഞ്ഞെടുക്കപ്പെട്ടവർ പാർട്ടിക്കൊപ്പെ നിൽക്കുമെന്ന് സത്യപ്രതിജ്ഞ ചെയ്യുന്നു… ഗോവയിലെ മഹാലക്ഷ്മി ക്ഷേത്രത്തിലെത്തിയ സ്ഥാനാർത്ഥികൾ പ്രതിജ്ഞയെടുത്തു. സമാനമായ പ്രതിജ്ഞ തന്നെ ബാംബോളിം ക്രോസ് ദേവാലയത്തിലും ബെറ്റിം പള്ളിയിലും നടന്നു. ഞങ്ങളുടെ എംഎല്എമാരെ വേട്ടയാടാന് ഒരു പാര്ട്ടിയെയും അനുവദിക്കില്ല. ദൈവത്തെ ഭയപ്പെടുന്ന ആളുകളാണ് ഞങ്ങള്. സര്വ്വശക്തനില് ഞങ്ങള്ക്ക് പൂര്ണ വിശ്വാസമുണ്ട്. അതിനാല്, ഇന്ന് ഞങ്ങള് കൂറുമാറില്ലെന്ന് പ്രതിജ്ഞയെടുത്തു’ മുന് മുഖ്യമന്ത്രിയും കോണ്ഗ്രസ് നിയമസഭാ കക്ഷി നേതാവുമായ ദിഗംബര് കാമത്ത് പറഞ്ഞു.
