റോക്കി ഭായ് അടുത്ത വർഷം തീയേറ്ററുകളിലേക്ക്. ബ്രഹ്മാണ്ഡ ചിത്രം കെ.ജി.എഫ് 2െൻറ റിലീസ് തീയ്യതി പ്രഖ്യാപിച്ചു. 2022 ഏപ്രിൽ 14നാണ് ചിത്രം തീയേറ്ററുകളിലെത്തുക. അതേ തീയ്യതിയിൽ തന്നെ റിലീസ് ചെയ്യുന്ന തെലുങ്കുനടൻ പ്രഭാസിെൻറ സലാറുമായി കെജി എഫ് ബോക്സ് ഓഫീസിൽ മാറ്റുരക്കും
”അവിചാരിതമായി എന്തെങ്കിലും സംഭവിച്ചാൽ മാത്രമേ റിലീസ് ഡേറ്റ് വൈകുകയുള്ളൂ. അല്ലെങ്കിൽ നിശ്ചയിച്ച സമയത്ത് തന്നെ പുറത്തിറങ്ങും” -ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന യാഷ്
തന്റെ ട്വിറ്ററിൽ കുറിച്ചു .
പ്രശാന്ത് നീൽ സംവിധാനം ചെയ്യുന്ന കെ.ജി.എഫ് ചാപ്റ്റർ-2വിന്റെ സാറ്റലൈറ്റ് അവകാശം സീയുടെ കേരളം, കന്നഡ, തമിഴ്, തെലുഗു ഉൾപ്പെടുന്ന സൗത്ത് ക്ലസ്റ്റർ സ്വന്തമാക്കിയിരുന്നു. ഹൊംബാലെ ഫിലിംസ് ആണ് ചിത്രം നിർമിച്ചിരിക്കുന്നത്.
കെ ജി എഫ് ചാപ്റ്റർ 1 ഇന്റെ രണ്ടാം ഭാഗമായി വരുന്ന കെ.ജി.എഫ് ചാപ്റ്റർ 2 ഇതിനകം തന്നെ സമൂഹമാധ്യമങ്ങളിൽ വൻ ഹിറ്റാണ്. ചിത്രത്തിന്റെ ടീസർ ട്വിറ്ററിലും യൂട്യൂബിലും ട്രെൻഡിങ്ങിൽ ഒന്നാമതെത്തിയതിന് പുറമെ 208 മില്യണിലധികം പേർ കാണുകയും ചെയ്തു.
കെ.ജി.എഫ് ചാപ്റ്റർ 1 ആഗോളതലത്തിൽ 50 ഇടങ്ങളിലായി നൂറിലേറെ തിയറ്ററുകളിൽ റിലീസ് ചെയ്ത് ഒരാഴ്ചക്കുള്ളിൽ തന്നെ 100 കോടി രൂപയിലേറെ വാരിക്കൂട്ടി ഏറ്റവും കൂടുതൽ കളക്ഷൻ നേടിയ കന്നഡ ചിത്രമായി മാറിയിരുന്നു.
