കോഴിക്കോട്: കരിപ്പൂർ വിമാനാപകടത്തിൽ പരിക്കേറ്റ് ചികിത്സയിലായിരുന്ന ഒരാൾ കൂടി മരിച്ചു. വയനാട് തരുവണ കരിങ്ങാരി വി.പി. ഇബ്രാഹിം(58) ആണ് മരിച്ചത്.
അപകടത്തിന് ശേഷം കോഴിക്കോട് മിംസ് ആശുപത്രിയിൽ ചികിതസയിലായിരുന്നു. ഭാര്യ: നൂര്‍ജ. മക്കള്‍: ഫൈസല്‍,ഫായിസ്,ഫൗസിയ.
ആഗസ്റ്റ് ഏഴിനാണ് ദുബൈയിൽനിന്ന് 184 യാത്രക്കാരും ആറുജീവനക്കാരുമായി കരിപ്പൂരിലെത്തിയ ഐ.എക്സ് 1344 എയർ ഇന്ത്യ എക്സ്പ്രസ് റൺവേയിൽനിന്ന് തെന്നിമാറി താഴേക്ക് പതിച്ചത്. പൈലറ്റും സഹപൈലറ്റുമടക്കം 18 പേർ അപകടത്തിൽ മരിച്ചിരുന്നു. ഒരാൾ പിന്നീട് ചികിത്സയിലിരിക്കേ മരിച്ചു.
