മണിപ്പുരിൽ സ്ത്രീകൾക്കെതിരെ നടക്കുന്ന വംശഹത്യക്കെതിരെ വിമൻ ജസ്റ്റിസ് മൂവ്മെന്റ് കോഴിക്കോട് ജില്ല കമ്മിറ്റിയുടെ ആഭിമുഖ്യത്തിൽ സ്ത്രീ പ്രക്ഷോഭ റാലിയും സംഗമവും നടത്തി. മണിപ്പൂരിൽ വംശീയ കലാപങ്ങൾ കൊടുമ്പിരി കൊള്ളുമ്പോൾ സ്ത്രീകൾക്ക് നേരെ അതിഭീകരമായ ബലാത്സംഗങ്ങളും അതിക്രമങ്ങളും വർധിക്കുകയാണെന്നുംപൊതു ജനത്തിലൂടെ സ്ത്രീകളെ നഗ്നരാക്കി നടത്തിച്ച് ആക്രമിക്കുകയും ഗുജറാത്തിന് സമാനമായ കാഴ്ചയമുമാണ് നമ്മൾ ഇപ്പോൾ കാണുന്നത് എന്നും വിമൻ ജസ്റ്റിസ് മൂവ്മെന്റ് സംസ്ഥാന സെക്രട്ടറി സുഫീറ എരമംഗലം പറഞ്ഞു. പ്രതിഷേധ റാലി ഉദ്ഘാടനം ചെയ്തു സംസാരിക്കുകയായിരുന്നു അവർ. അതിക്രമങ്ങൾ മണിപ്പൂരിലെ സർക്കാറിന്റെയും പൊലീസിന്റെയും മൗനാനുവാദത്തോടെ ആണ് നടക്കുന്നത് എന്നുള്ളത് വേദനാജനകമാണ്. ഇത്തരം അക്രമങ്ങൾക്ക് നേതൃത്വം നൽകിയ മുഴുവൻ പ്രതികളെയും ഉടൻ അറസ്റ്റ് ചെയ്തു പരമാവധി ശിക്ഷ വാങ്ങി കൊടുക്കുവാൻ മണിപ്പൂർ സർക്കാർ തയ്യാറാവണമെന്നും സുഫീറ എരമംഗലം പറഞ്ഞു. ജില്ല സെക്രട്ടറി തൗഹീദ അൻവർ അധ്യക്ഷത വഹിച്ചു. വെൽഫെയർ പാർട്ടി മണ്ഡലം വൈസ് പ്രസിഡന്റ് എം.എ. സുമയ്യ സംസാരിച്ചു. കുന്ദമംഗലം മണ്ഡലം കൺവീനർ ഫസ്ന സ്വാഗതവും കൊടുവള്ളി ബീവി ലത്വീഫ് നന്ദിയും പറഞ്ഞു. ബുഷ്റ പെരുവയൽ, സുലൈഖ മാവൂർ, ഫസീല എലത്തൂർ, സർഫീന കൊടുവള്ളി, ഹൈറുന്നിസ കുന്ദമംഗലം എന്നിവർ നേതൃത്വം നൽകി.
ഫോട്ടോ : കുന്ദമംഗലത്ത് വിമൻ ജസ്റ്റിസ് മൂവ്മെന്റ് ജില്ല കമ്മിറ്റി നടത്തിയ ‘സ്ത്രീപ്രക്ഷോഭം’ സംസ്ഥാന സെക്രട്ടറി സുഫീറ എരമംഗലം ഉദ്ഘാടനം ചെയ്യുന്നു.
മണിപ്പൂർ വംശഹത്യക്കെതിരെ ‘സ്ത്രീപ്രക്ഷോഭം’
