സിബിഐ 5 സിനിമയുടെ ലൊക്കേഷനിൽ ശോഭന സന്ദർശനം നടത്തുന്ന വിഡിയോ പങ്കുവെച്ച് മമ്മൂട്ടി. ഇതേ ലൊക്കേഷനിൽ നിന്നുള്ള ഇരുവരുടെയും സെൽഫി കുറച്ചുനാൾ മുമ്പ് വൈറലായിരുന്നു.അടുത്തകാലത്തൊന്നും ഒരുമിച്ച് സിനിമ ചെയ്തിട്ടില്ലെങ്കിലും ഇരുവരുടേയും സൗഹൃത്തിന് കുറവൊന്നുമില്ല എന്നാണ് ഇൻസ്റ്റാഗ്രാമിൽ മമ്മൂട്ടി കഴിഞ്ഞദിവസം പങ്കുവെച്ച വീഡിയോ പറയുന്നത്.
https://www.instagram.com/mammootty/?utm_source=ig_embed&ig_rid=feb6e7c2-dd04-4f17-811d-ee1f65e2cf24
നാഗവല്ലി സേതുരാമയ്യരെ കണ്ടപ്പോൾ എന്നാണ് വീഡിയോക്ക് മമ്മൂട്ടി നൽകിയ വിശേഷണം. ലൊക്കേഷനിലെത്തുന്ന ശോഭനയെ മമ്മൂട്ടിയും സി.ബി.ഐ 5 സംഘവും ചേർന്ന് സ്വീകരിക്കുന്നത് വീഡിയോയിൽ കാണാം.
ഭക്ഷണവും കഴിച്ച് സെൽഫിയുമെടുത്താണ് ശോഭന മടങ്ങിയത്.
കെ.മധു-എസ്.എൻ. സ്വാമി- മമ്മൂട്ടി കൂട്ടുകെട്ടിലൊരുങ്ങുന്ന സി.ബി.ഐ 5 മേയ് ഒന്നിനാണ് റിലീസ് ചെയ്യുന്നത്. നീണ്ട ഇടവേളയ്ക്ക് ശേഷം ജഗതി ശ്രീകുമാർ വെള്ളിത്തിരയിലേക്ക് മടങ്ങിവരുന്ന ചിത്രമാണ് സി.ബി.ഐ 5. സൗബിൻ ഷാഹിർ, ദിലീഷ് പോത്തൻ, രഞ്ജി പണിക്കർ, മുകേഷ്, രമേഷ് പിഷാരടി തുടങ്ങി വൻതാരനിരയാണ് ചിത്രത്തിലുള്ളത്. ജേക്സ് ബിജോയ് ആണ് സംഗീതം.
