കൊവിഡ് മാര്ഗനിര്ദേശങ്ങള് പാലിക്കുന്നതിനെച്ചൊല്ലി പാര്ലമെന്റില് ഭരണ പ്രതിപക്ഷ വാക്പോര്.കൊവിഡ് നാലാം തരംഗ ഭീഷണിയുടെ പശ്ചാത്തലത്തില് രാഹുല്ഗാന്ധിയുടെ ഭാരത് ജോഡോ യാത്രക്ക് മുന്നറിയിപ്പുമായി കേന്ദ്ര ആരോഗ്യമന്ത്രി രംഗത്തെത്തിയ സാഹചര്യത്തിലാണ് പ്രതിഷേധവുമായി പ്രതിപക്ഷം രംഗത്തുവന്നത്. കൊവിഡ് നിയന്ത്രണങ്ങൾ പാലിച്ചില്ലെങ്കിൽ ജോഡോ യാത്ര മാറ്റിവെക്കേണ്ടി വരുമെന്ന് കേന്ദ്രം രാഹുൽഗാന്ധിക്ക് കത്തയച്ചിരുന്നു. ഭാരജ് ജോഡോ യാത്രയെ കേന്ദ്രസര്ക്കാരും ബിജെപിയും ഇഷ്ടപ്പെടുന്നില്ല. ഗുജറാത്ത് തെരഞ്ഞെടുപ്പ് പ്രചാരണത്തില് പ്രധാനമന്ത്രി നരേന്ദ്രമോദി കോവിഡ് പ്രോട്ടോക്കോള് പാലിച്ചിരുന്നോ എന്നും കോണ്ഗ്രസ് നേതാക്കള് ചോദിച്ചു.
നിലവിലെ വിഷയങ്ങളില് നിന്നും ജനശ്രദ്ധ തിരിക്കാനുള്ള ശ്രമങ്ങളാണ് കേന്ദ്രസര്ക്കാര് നടത്തുന്നത്. ജനങ്ങളുടെ ശ്രദ്ധ തിരിക്കാനായി കേന്ദ്ര ആരോഗ്യമന്ത്രിയെ ബിജെപി നിയോഗിച്ചിരിക്കുകയാണെന്നും കോണ്ഗ്രസ് നേതാവ് അധീര് രഞ്ജന് ചൗധരി കുറ്റപ്പെടുത്തി.
ഗുജറാത്തിൽ പ്രധാനമന്ത്രി നരേന്ദ്രമോദി കോവിഡ് പ്രോട്ടോക്കോള് പാലിച്ചിരുന്നോ? മറുചോദ്യവുമായി പ്രതിപക്ഷം
