ശതകോടികൾ വായ്പയെടുത്ത് തിരിച്ചടയ്ക്കാതെ വ്യക്തികളും സ്ഥാപനങ്ങളും രാജ്യത്തെ ബാങ്കുകൾക്കു വരുത്തിയ നഷ്ടം 92,570 കോടി രൂപയെന്നു കേന്ദ്ര സർക്കാർ. വിവാദ വ്യവസായിയും ഗീതാഞ്ജലി ജെംസ് ഉടമയുമായ മെഹുൽ ചോക്സിയാണു കുടിശികക്കാരിൽ മുൻപിൽ. 7,848 കോടിയാണ് മെഹുൽ ചോക്സി അടയ്ക്കാനുള്ളത്.ധനകാര്യ സഹമന്ത്രി ഭഗവത് കരാഡ് ആണ് വായ്പ തിരിച്ചടയ്ക്കാത്ത 50 പ്രമുഖര് ആരൊക്കെയാണെന്ന് ലോക്സഭയെ അറിയിച്ചത്ഇറ ഇൻഫ്ര (5,879 കോടി), റെയ്ഗോ അഗ്രോ (4,803 കോടി) എന്നിവയാണു രണ്ടുംമൂന്നും സ്ഥാനങ്ങളിൽ. കോൺകാസ്റ്റ് സ്റ്റീൽ ആൻഡ് പവർ (4,596 കോടി), എബിജി ഷ്പ്യാർഡ് (3,708 കോടി), ഫ്രോസ്റ്റ് ഇന്റർനാഷനൽ (3,311 കോടി), വിൻഡ്സം ഡയമണ്ട്സ് ആൻഡ് ജ്വല്ലറി (2,931 കോടി), റോട്ടോമാക് ഗ്ലോബൽ (2,893 കോടി), കോസ്റ്റൽ പ്രൊജക്ട്സ് (2,311 കോടി) സൂം ഡവലപ്പേഴ്സ് (2,147 കോടി) എന്നീ കമ്പനികളും കുടിശികക്കാരുടെ മുൻനിരയിലുണ്ട്.ആസ്തികളുണ്ടായിട്ടും ബോധപൂര്വം വായ്പ തിരിച്ചടയ്ക്കുന്നതില് വീഴ്ചവരുത്തിയ പ്രമുഖരുടെ പട്ടികയാണ് സര്ക്കാര് പുറത്തുവിട്ടത്. റിസര്വ് ബാങ്കിന്റെ കണക്കുകള് ഉദ്ധരിച്ചാണ് മന്ത്രി ഇക്കാര്യം ലോക്സഭയെ അറിയിച്ചത്. 2022 മാര്ച്ച് 31വരെയുള്ള കണക്കാണിത്.
ആസ്തിയുണ്ടായിട്ടും 50 പ്രമുഖര് ബാങ്കുകള്ക്ക് നല്കാനുള്ളത് 92,570 കോടി;മെഹുല് ചോക്സി ഒന്നാമത്
