കൊയിലാണ്ടി ഗവണ്മെന്റ് താലൂക്ക് ആശുപത്രിയില് ആശുപത്രി ജീവനക്കാര് നിരുത്തരവാദപരമായി പെരുമാറുന്നതിനെതിരെ നൗഷാദ് തെക്കയില് മുഖ്യമന്ത്രിക്ക് പരാതി നല്കി. കഴിഞ്ഞ ദിവസം പനി ബാധിച്ച് അവശനായ ബാലന് ചികിത്സ നിഷേധിച്ചിരുന്നു.തുടര്ന്ന് കുട്ടിയുടെ പിതാവ് ഷൈജല് ഉള്ളിയേരി വിഷയം ഫേസ് ബുക്കിലൂടെ പുറം ലോകത്തെ അറിയിച്ചിരുന്നു. ആയതിന്റെ പേരില് ഡോക്ടറുടെ ജോലി തടസ്സപ്പെടുത്തി എന്ന പേരില് ഇദ്ധേഹത്തിനെതിരെ അഞ്ച് ദിവസങ്ങള്ക്ക് ശേഷം ജാമ്യമില്ലാ വകുപ്പില് കേസെടുക്കുകയും ജയില് അടക്കപ്പെടുകയും ചെയ്തിരുന്നു. ഇതിനെത്തുടര്ന്നാണ് മുഖ്യമന്ത്രിക്ക് പരാതി നല്കിയത്. ഷൈജില് എന്ന പൗരന് മനുഷ്യത്വ രഹിതമായ നടപടിയാണ് ഇതില് കൂടി അനുഭവിക്കേണ്ടി വന്നിട്ടുള്ളത് ഇത് കടുത്ത മനുഷ്യവകാശ ലംഘനവും കടുത്ത അനീതിയുമാണ് വിഷയത്തില് ഉടന് തന്നെ ഇടപെടണമെന്നും മനുഷ്യാവകാശങ്ങള് സംരക്ഷിക്കപ്പെടുന്നതിന് വേണ്ടി ശക്തമായ നിയമ നടപടികള് കൈകൊള്ളണമെന്നും പരാതിയില് പറയുന്നു.