കൊവിഡ് പശ്ചാത്തലത്തിൽ മഴക്കാല രോഗങ്ങൾ കൂടി റിപ്പോർട്ട് ചെയ്ത സാഹചര്യത്തിൽ ഒളവണ്ണ മണ്ഡലം സേവാദൾ ദുരന്തനിവാരണ സേനയുടെ വളണ്ടിയർമാർ ഒളവണ്ണ മേഖലയിലെ വിവിധ അങ്ങാടികൾ ക്ലോറിനേറ്റ് ചെയ്തു. കൊടിനാട്ടുമുക്ക്, സഹകരണ ബാങ്ക് ജങ്ഷൻ, വന്ദന സ്റ്റോപ്പ്, ഒളവണ്ണബസാർ, എം പി കെ ജങ്ഷൻ എന്നിവിടങ്ങളിലെ കടകൾ സ്ഥാപനങ്ങൾ, ഓടകൾ എന്നിവയാണ് അണു നശീകരണം നടത്തിയത്.
സേന ചീഫ് കോഓഡിനേറ്റർ വിനോദ് മേക്കോത്ത് ഉദ്ഘാടനം ചെയ്തു. സീനിയർ സേവാദൾ വളണ്ടിയർമാരായ ദസ്തെ നായ്ക് ബാബു ചിറക്കൽ പി കണ്ണൻ എന്നിവർ സന്നിഹിതനായി.
ജോ. കോഓഡിനേറ്റർ ജംഷി ചുങ്കത്തിൻ്റെ നേതൃത്വത്തിൽ നടന്ന ശുചീകരണത്തിൽ വളണ്ടിയർമാരായ ഫൈസൽ പൂക്കാട്ട്, ഷൈജു എ, ഫൈസൽ തിരുവോത്ത്, വിപിൻ ചേരിപ്പാടം, എ മനീഷ്, മുജീബ് നാഗത്തുംപാടം, ജയേഷ്, ബിൻഷാദ്, ആഷിഖ്, ഷബ്നാസ് കയറ്റി. റെനീഫ് കയറ്റി ‘ നിഷാൽ ‘സനാൻ ‘ഷിജിത്ത് കായലോട്ട് ഇർഫാൻ
എന്നിവർ പങ്കെടുത്തു.
