എല്ഗാര് പരിഷത്ത് കേസില് നിന്നും ഫാദര് സ്റ്റാന് സ്വാമിയുടെ പേര് ഒഴിവാക്കണമെന്നാവശ്യപ്പെട്ട് അദ്ദേഹത്തിന്റെ അഭിഭാഷകന് മിഹിര് ദേശായി മുംബൈ ഹൈക്കോടതിയെ സമീപിച്ചു.
സ്റ്റാന് സ്വാമി മാര്ച്ചില് സമര്പ്പിച്ച ഹരജി തള്ളിക്കൊണ്ട് കീഴ്ക്കോടതി നടത്തിയ പരാമര്ശങ്ങളും ഒഴിവാക്കണമെന്നും അഭിഭാഷകന് ആവശ്യപ്പെട്ടു.
ഭരണഘടനയുടെ 21 ാം അനുച്ഛേദം മരണപ്പെട്ടവര്ക്കും ഒരുപോലെ ബാധകമാണെന്ന് ഹരജിയില് അഭിഭാഷകന് പറഞ്ഞു. സ്റ്റാന് സ്വാമി ജീവിച്ചിരുന്ന കാലത്ത് തന്റെ പേര് എടുത്ത് മാറ്റാന് വേണ്ട നടപടികള്ക്കായി അദ്ദേഹം കോടതിയെ സമീപിച്ചിരുന്നെന്നും ഇപ്പോള് അദ്ദേഹവുമായി അടുത്ത ബന്ധമുള്ളവര്ക്കും ഇതുമായി മുന്നോട്ട് പോകാമെന്നും അഭിഭാഷകന് പറഞ്ഞു.
