പ്രതിപക്ഷത്തിന്റെ രാഷ്ട്രപതി സ്ഥാനാര്ത്ഥിയെ നാളെ പ്രഖ്യാപിക്കും.പ്രതിപക്ഷ പാർട്ടികളുടെ സ്ഥാനാർഥിയായി ഗോപാൽകൃഷ്ണ ഗാന്ധി എത്തിയേക്കുമെന്നാണ് സൂചന.ഗോപാലകൃഷ്ണ ഗാന്ധിയുമായി എന്സിപി നേതാവ് ശരദ് പവാര് സംസാരിച്ചു.സമവായം ഉണ്ടെങ്കിൽ മത്സരിക്കാം എന്ന സൂചനയാണ് ഗോപാൽകൃഷ്ണ ഗാന്ധി നൽകിയത്. ഇതിനിടെ നവീൻ പട്നായിക്കിൻറെ പിന്തുണയും ശരദ്പവാർ തേടിയിട്ടുണ്ട്. നാളെ രണ്ടരയ്ക്ക് പ്രഖ്യാപനമുണ്ടാകുമെന്ന് പ്രതിപക്ഷ നേതാക്കൾ അറിയച്ചു.രാഷ്ട്രപതി സ്ഥാനാര്ത്ഥിയെ നിര്ണയിക്കാനായി നാളെ നടക്കുന്ന പ്രതിപക്ഷ പാര്ട്ടികളുടെ യോഗത്തില് പശ്ചിമബംഗാള് മുഖ്യമന്ത്രി മമത ബാനര്ജി പങ്കെടുക്കില്ല. പ്രതിപക്ഷ പാര്ട്ടികള് പരിഗണിച്ചിരുന്ന ശരദ് പവാറും ഫാറൂഖ് അബ്ദുള്ളയും രാഷ്ട്രപതി തെരഞ്ഞെടുപ്പില് മത്സരിക്കാനില്ലെന്ന് വ്യക്തമാക്കിയിരുന്നു. തന്റെ പേര് മുന്നോട്ടുവെച്ച മമതാ ബാനർജിക്കും മുതിർന്ന നേതാക്കൾക്കും നന്ദിയെന്നും ഫറൂഖ് അബ്ദുള്ള അറിയിച്ചു. ഇതുവരെ രാഷ്ട്രപതി തെരഞ്ഞെടുപ്പിലേക്ക് 15 നാമനിര്ദേശ പത്രികകളാണ് സമര്പ്പിക്കപ്പെട്ടത്.ആദ്യ ദിനം 11 പത്രികകളും വ്യാഴാഴ്ച മൂന്നും വെള്ളിയാഴ്ച ഒരു പത്രികയുമാണ് സമര്പ്പിക്കപ്പെട്ടത്. മതിയായ രേഖകള് ഇല്ലാത്തതിനാല് മൂന്ന് പത്രികകള് തള്ളിയിട്ടുണ്ട്. ജൂലൈ 18 നാണ് രാഷ്ട്രപതി തെരഞ്ഞെടുപ്പ്.
ഗോപാൽകൃഷ്ണ ഗാന്ധി വന്നേക്കും,പ്രതിപക്ഷത്തിന്റെ രാഷ്ട്രപതി സ്ഥാനാര്ത്ഥി പ്രഖ്യാപനം നാളെ,
