നാട്ടിലും മറുനാട്ടിലും കെഎംസിസി ചെയ്യുന്ന മനുഷ്യ നന്മ മാത്രം ലക്ഷ്യം വെച്ചു കൊണ്ടുള്ള പ്രവർത്തനങ്ങൾ സമാനതകൾ ഇല്ലാത്തതും ശ്ലാഘനീയവുമാണെന്ന് സയ്യിദ് ഹൈദരലി ശിഹാബ് തങ്ങൾ പറഞ്ഞു. ഗ്ലോബൽ കെഎംസിസി കുന്നമംഗലം പഞ്ചായത്ത്‌ കമ്മറ്റി കുന്നമംഗലത്തെ പാലിയേറ്റീവ് പ്രവർത്തനങ്ങൾ ഉൾപ്പെടെയുള്ള ജീവകാരുണ്യ പ്രവർത്തനങ്ങൾക്ക് വേണ്ടി ശിഹാബ് തങ്ങൾ ഫൗണ്ടേഷന് നൽകുന്ന വാഹനത്തിന്റെ താക്കോൽദാനം ശിഹാബ് തങ്ങൾ ഫൗണ്ടേഷൻ ചെയർമാൻ യു.സി രാമന് നൽകി സംസാരിക്കുകയായിരുന്നു അദ്ദേഹം. പഞ്ചായത്ത്‌ കെ.എം.സി.സി പ്രസിഡന്റ് സുൽഫി കുന്നമംഗലം അധ്യക്ഷത വഹിച്ചു.ഫൗണ്ടേഷൻ മുഖ്യ രക്ഷാധികാരി സയ്യിദ് സാദിഖലി ശിഹാബ് തങ്ങൾ,രക്ഷാധികാരികളായ പികെ ഫിറോസ്,ഖാലിദ് കിളിമുണ്ട,കെ.പി കോയ,ജന:സെക്രട്ടറി ഒ ഉസ്സയിൻ,പഞ്ചായത്ത്‌ മുസ്ലിം ലീഗ് പ്രസിഡന്റ് അരിയിൽ മൊയ്‌തീൻ ഹാജി,സെക്രട്ടറി സി.അബ്ദുൽ ഗഫൂർ,അരിയിൽ അലവി,എ.കെ ഷൗക്കത്ത്,പഞ്ചായത്ത്‌ യൂത്ത് ലീഗ് പ്രസിഡന്റ് സിദ്ധീഖ് തെക്കയിൽ, കെ.എം.സി.സി നേതാക്കളായ അഷ്‌റഫ്‌ വരട്ട്യാക്ക്,മുഹമ്മദ് പടനിലം,അരിയിൽ റിഷാൽ,ഹാഷിം പന്തീർപ്പാടം,നൗഫൽ പുറ്റാട്ട്,ഫാരിസ് പിലാശ്ശേരി എന്നിവർ പങ്കെടുത്തു.
ജന:സെക്രട്ടറി ഷമീർ മുറിയനാൽ സ്വാഗതവും ഹാരിസ് പിലാശ്ശേരി നന്ദിയും പറഞ്ഞു
