ആരാമ്പ്രം ഗവ.യു.പി.സ്‌കൂള്‍ വിദ്യാരംഗം ക്ലബിന്റെ ആഭിമുഖ്യത്തില്‍ ഇന്ന് നടന്ന ഓണ്‍ലൈന്‍ വായനദിനാഘോഷം വിജ്ഞാന വിസ്മയത്തിന്റെ നിറ കാഴ്ചകളൊരുക്കി. കവിത ചൊല്ലിയും കഥാപാത്രങ്ങളെ ആവിഷ്‌കരിച്ചും പുസ്തകാസ്വാദനം നടത്തിയും കുഞ്ഞു കൂട്ടുകാര്‍ വായനദിനം സമ്പന്നമാക്കി. വീടുകളില്‍ സ്ഥാപിച്ച ഹോം ലൈബ്രറികള്‍ ഉപയോഗപ്പെടുത്തി നിരവധി വായന പ്രവര്‍ത്തനങ്ങളിലാണ് അവര്‍ പങ്കാളികളായത്.
പ്രമുഖ കഥാകൃത്ത് പി.കെ പാറക്കടവ് വായനദിന പരിപാടികള്‍ ഉദ്ഘാടനം ചെയ്തു .പി .ടി .എ പ്രസിഡണ്ട് എം.കെ.ഷമീര്‍ അധ്യക്ഷത വഹിച്ചു. ഗ്രാമപഞ്ചായത്ത് അംഗങ്ങളായ പുറ്റാള്‍ മുഹമ്മദ്, സോഷ്മ സുര്‍ജിത്ത് ,ഹെഡ്മാസ്റ്റര്‍ പി.കെ സജീവന്‍ ,പി.ടി.എ വൈസ് പ്രസിഡണ്ട് എ.കെ.ജാഫര്‍ , മുന്‍ പ്രധാനാധ്യാപകന്‍ വി.കെ മോഹന്‍ ദാസ് ,സീനിയര്‍ അസിസ്റ്റന്റ് പി.കെ ഹരിദാസന്‍ ,സ്റ്റാഫ് സെക്രട്ടറി ശുക്കൂര്‍ കോണിക്കല്‍, കെ.ജി.ഷീജ ,പി.ആബിദ ,വിദ്യാരംഗം കണ്‍വീനര്‍ പി.ശാക്കിറ, പി.ഉഷ പ്രസംഗിച്ചം .അമ്മ വായന ,കുഞ്ഞു വായന ,കഥാപാത്ര വിഷ്‌കാരം ,വാര്‍ത്ത വായന, ചിത്രീകരണം തുടങ്ങിയ പരിപാടികള്‍ വരും ദിവസങ്ങളില്‍ ആസൂത്രണം ചെയ്തിട്ടുണ്ട്.
വായനയുടെ വിസ്മയവിരുന്നൊരുക്കി ആരാമ്പ്രം ഗവ: സ്‌കൂളില്‍ വായനദിനം ആഘോഷിച്ചു
