അറിയിപ്പുകൾ

അറിയിപ്പുകൾ

അനസ്‌തേഷ്യ ടെക്‌നീഷ്യൻ: അഭിമുഖം 25 ന്

ഗവ. മെഡിക്കൽ കോളേജ് മാതൃശിശു സംരക്ഷണ കേന്ദ്രം എച്ച്.ഡി.എസിന് കീഴിൽ അനസ്‌തേഷ്യ ടെക്‌നീഷ്യൻ ഒഴിവിലേക്ക് താത്കാലിക നിയമനം നടത്തുന്നു. താത്പര്യമുള്ളവർക്ക് സർട്ടിഫിക്കറ്റുകൾ സഹിതം മെയ് 25 രാവിലെ 11 മണിക്ക് ഐ.എം.സി.എച്ച് സൂപ്രണ്ട് ഓഫീസിൽ നടക്കുന്ന കൂടിക്കാഴ്ചയിൽ പങ്കെടുക്കാം.

• റീ ഇ-ടെണ്ടറുകൾ ക്ഷണിച്ചു

വടകര ബ്ലോക്ക് പഞ്ചായത്ത് 2021-22 റീ ബിൽഡ് കേരള ഇനിഷ്യേറ്റീവ് പദ്ധതിയിലുൾപ്പെടുത്തി നിർവഹണം നടത്തുന്ന പ്രവൃത്തികൾക്ക് സർക്കാർ അംഗീകൃത കരാറുകാരിൽ നിന്നും റീ ഇ- ടെണ്ടറുകൾ ക്ഷണിച്ചു. റീ ഇ- ടെണ്ടർ സൈറ്റിൽ ലഭ്യമാകുന്ന തിയ്യതി മെയ് 20 ന് വൈകീട്ട് അഞ്ച്. കൂടുതൽ വിവരങ്ങൾ വടകര ബ്ലോക്ക് പഞ്ചായത്ത്/ അസി. എക്‌സിക്യൂട്ടീവ് എൻജിനീയറുടെ ഓഫീസിൽനിന്നും ലഭിക്കും.

*

പശു വളർത്തൽ പരിശീലനം

കണ്ണൂർ ജില്ലാ ഹോമിയോ ആശുപത്രിക്ക് സമീപം കക്കാട് റോഡിലുള്ള പുതിയ കെട്ടിടത്തിൽ മൃഗസംരക്ഷണ പരിശീലന കേന്ദ്രത്തിൽ മെയ് 25, 26 തീയതികളിൽ പശു പരിപാലനം എന്ന വിഷയത്തിൽ ദ്വിദിന പരിശീലനം നടത്തുന്നു. താത്പര്യമുള്ളവർ 9446471454 എന്ന നമ്പറിലേക്ക് പേരും, മേൽവിലാസവും, വാട്ട്സ്ആപ്പ് സന്ദേശമായി മെയ് 23നകം അയക്കണം. ഫോൺ: 04972-763473

*

മുൻഗണനാ അപേക്ഷ ജൂൺ 30 വരെ ഓൺലൈനിൽ

എൻ.പി.എൻ.എസ് / എൻ.പി.എസ് കാർഡുകൾ (വെള്ള, നീല) പി.എച്ച്.എച്ച് വിഭാഗത്തിലേക്ക് (പിങ്ക്) മാറ്റുന്നതിനുള്ള അപേക്ഷകൾ മേയ് 19 മുതൽ ഓൺലൈനിൽ മാത്രമായി സ്വീകരിക്കും. പൊതുജനങ്ങൾക്ക് ജൂൺ 30 വരെ അക്ഷയ സെൻററുകൾ, സിറ്റിസൺ ലോഗിൻ എന്നിവ വഴി അപേക്ഷിക്കാം. ഫോൺ: 0495-2370655, ഇ-മെയിൽ dsokozhikode@gmail.com

*

ലൈഫ് സർട്ടിഫിക്കറ്റ് ലഭ്യമാക്കണം

മലബാർ ദേവസ്വം ബോർഡ് ക്ഷേത്രജീവനക്കാരുടെയും എക്‌സിക്യൂട്ടീവ് ഓഫീസർമാരുടെയും ക്ഷേമനിധി ഫണ്ടിൽനിന്നും പെൻഷൻ/ കുടുംബ പെൻഷൻ കൈപ്പറ്റി വരുന്ന എല്ലാ ഗുണഭോക്താക്കളും ലൈഫ് സർട്ടിഫിക്കറ്റ് ക്ഷേമനിധി ഓഫീസിൽ മെയ് 25നകം ലഭ്യമാക്കണം. ബാങ്ക് അക്കൗണ്ട് നമ്പർ, മേൽവിലാസം, ടെലഫോൺ നമ്പർ എന്നിവ സർട്ടിഫിക്കറ്റിൽ വ്യക്തമാക്കണം. വില്ലേജ് ഓഫീസർ/ ഗസറ്റഡ് ഓഫീസർ/ ബാങ്ക് മാനേജർ/ ക്ഷേമനിധി ബോർഡ് അം​ഗത്തിന്റെ ഒപ്പും സർട്ടിഫിക്കറ്റിൽ രേഖപ്പെടുത്തണം. വിലാസം: സെക്രട്ടറി, മലബാർ ക്ഷേത്ര ജീവനക്കാരുടെയും എക്‌സിക്യൂട്ടീവ് ഓഫീസർമാരുടെയും ക്ഷേമനിധി, ഹൗസ് ഫെഡ് കോംപ്ലക്‌സ്, പി.ഒ എരഞ്ഞിപ്പാലം, കോഴിക്കോട് 673006. ഫോൺ: 0495 2360720.

*

ലോകക്ഷീര ദിനാചരണം; വിദ്യാർഥികൾക്കായി മത്സരം നടത്തുന്നു

ജൂൺ ഒന്ന് ലോകക്ഷീര ദിനാചരണത്തിന്റെ ഭാഗമായി മേയ് 26, 27 തീയതികളിൽ കോഴിക്കോട് ക്ഷീര പരിശീലന കേന്ദ്രത്തിൽ വിദ്യാർഥികൾക്കായി വിവിധ മത്സരങ്ങൾ സംഘടിപ്പിക്കുന്നു. എൽ.പി, യു.പി. ഹൈസ്കൂൾ, ഹയർസെക്കൻഡറി വിഭാ​ഗക്കാർക്കായി ചിത്രരചന, ക്വിസ് മത്സരങ്ങൾ ഉണ്ടായിരിക്കും. മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെ വിദ്യാർഥികൾക്ക് പങ്കെടുക്കാം. മത്സരാർഥികൾ സ്‌കൂളിന്റെ സാക്ഷ്യപത്രം, ക്ലാസ് എന്നിവ തെളിയിക്കുന്ന രേഖ ഹാജരാക്കണം. പങ്കെടുക്കുന്നവർ 24 ന് വൈകീട്ട് അഞ്ചിനകം രേഖാമൂലമോ, 0495-2414579 എന്ന ഫോൺ മുഖേനയോ dd-dtc-kkd.dairy@kerala.gov.in ഇ-മെയിൽ മുഖേനയോ രജിസ്റ്റർ ചെയ്യണം.

*

അപേക്ഷ ക്ഷണിച്ചു

എൻ.സി.ടി.ഇ അംഗീകാരം ലഭ്യമായതും, എന്നാൽ കഴിഞ്ഞ വർഷങ്ങളിൽ പ്രവർത്തിക്കാതിരുന്നതും, 2022-24 അധ്യയനവർഷം മുതൽ ഡി.എൽ.എഡ്. കോഴ്‌സ് പുനരാരംഭിക്കാൻ താത്പര്യമുള്ളതുമായ സ്ഥാപനങ്ങളിൽ നിന്ന് അപേക്ഷ ക്ഷണിച്ചു. വിവരങ്ങൾക്ക് www.kozhikodedde.in വെബ്‌സൈറ്റ് സന്ദർശിക്കുക.

*

ഗവ. പ്രീമെട്രിക് ഹോസ്റ്റൽ (ആൺകുട്ടികൾ) പ്രവേശനം

കുന്ദമംഗലം ബ്ലോക്ക് പഞ്ചായത്തിന് കീഴിൽ മാവൂരിലെ ആൺകുട്ടികളുടെ ഗവ. പ്രീമെട്രിക് ഹോസ്റ്റലിലേക്ക് 2022- 23 വർഷം പ്രവേശനം നടത്തുന്നതിനായി അഞ്ച് മുതൽ 10 വരെ ക്ലാസ്സുകളിൽ പഠിക്കുന്ന പട്ടികജാതി വിദ്യാർഥികളിൽനിന്നും അപേക്ഷ ക്ഷണിച്ചു. നിശ്ചിത മാതൃകയിലുള്ള അപേക്ഷ മെയ് 30 വൈകീട്ട് അഞ്ചിനകം കുന്ദമംഗലം ബ്ലോക്ക് പട്ടികജാതി വികസന ഓഫീസിൽ സമർപ്പിക്കണം. ഫോൺ: 9745316892

*

ഗവ. പ്രീമെട്രിക് ഹോസ്റ്റൽ (പെൺകുട്ടികൾ) പ്രവേശനം

കോഴിക്കോട് കോർപറേഷനു കീഴിൽ എലത്തൂരിലെ പെൺകുട്ടികളുടെ ഗവ. പ്രീമെട്രിക് ഹോസ്റ്റലിലേക്ക് 2022-23 വർഷം പ്രവേശനം നടത്തുന്നതിനായി അഞ്ച് മുതൽ 10 വരെ ക്ലാസ്സുകളിൽ പഠിക്കുന്ന പട്ടികജാതി വിദ്യാർഥികളിൽ നിന്നും അപേക്ഷ ക്ഷണിച്ചു. നിശ്ചിത മാതൃകയിലുള്ള അപേക്ഷ മെയ് 30 വൈകീട്ട് അഞ്ചിനകം കോഴിക്കോട് കോർപറേഷൻ പട്ടികജാതി വികസന ഓഫീസിൽ സമർപ്പിക്കണം. അപേക്ഷയുടെ മാതൃക കോഴിക്കോട് കോർപറേഷൻ പട്ടികജാതി വികസന ഓഫീസിൽ ലഭിക്കും.

*

ഗതാഗതം നിരോധിച്ചു

മാച്ച് ഫാക്ടറി ചേലിയ കാഞ്ഞിലശ്ശേരി റോഡിൽ കൾവർട്ടിന്റെ പ്രവൃത്തി നടക്കുന്നതിനാൽ ഈ റോഡിലൂടെയുള്ള വാഹന ഗതാഗതം മെയ് 20 മുതൽ പ്രവൃത്തി തീരുന്നത് വരെ നിരോധിച്ചു. ഇതു വഴി പോകുന്ന വാഹനങ്ങൾ ചെങ്ങോട്ട്കാവ് നിന്നും കീരൻതോട് വഴി എളാട്ടേരിക്ക് പോകണമെന്ന് എക്‌സിക്യൂട്ടീവ് എൻജിനീയർ അറിയിച്ചു.

*

അപേക്ഷ ക്ഷണിച്ചു.

കോഴിക്കോട് ഗവ. ഐ.ടി.ഐ ഐ.എം.സി സൊസൈറ്റിയുടെ ആഭിമുഖ്യത്തിൽ നടത്തുന്ന ഓയിൽ ആൻഡ് ഗ്യാസ് ടെക്നോളജി കോഴ്സിലേക്ക് അപേക്ഷ ക്ഷണിച്ചു. ഫോൺ: 9526415698

*

ക്വൊട്ടേഷൻ

കേരള മാരിടൈം ബോർഡിന് വേണ്ടി ബേപ്പൂർ തുറമുഖത്തെ മെക്കാനിക്കൽ എൻജിനീയറിങ് വിംഗ് ബേപ്പൂർ ഓഫീസിലേക്ക് ലിസ്റ്റ് പ്രകാരം ആവശ്യമായ ഇലക്ട്രിക് ഐറ്റംസ് വിതരണം ചെയ്യുന്നതിന് അംഗീകൃത വിതരണക്കാരിൽനിന്നും മത്സരസ്വഭാവമുള്ള ക്വൊട്ടേഷൻ ക്ഷണിച്ചു. മേയ് 28 ന് ഉച്ചയ്ക്ക് 1 മണി വരെ സ്വീകരിക്കും. ഫോൺ: 0495 2414863

*

അക്വാകൾച്ചർ പ്രൊമോട്ടർമാരെ നിയമിക്കുന്നു

കേരള സംസ്ഥാന ഫിഷറീസ് വകുപ്പ് മുഖേന കോഴിക്കോട് ജില്ലയിൽ നടപ്പാക്കുന്ന സുഭിക്ഷകേരളം ജനകീയ മത്സ്യകൃഷി പദ്ധതിയിലേയ്ക്ക് അക്വാകൾച്ചർ പ്രൊമോട്ടർമാരെ ദിവസവേതനാടിസ്ഥാനത്തിൽ നിയമിക്കുന്നു. വി.എച്ച്.എസ്.സി/ സുവോളജി ബിരുദം/
എസ്.എസ്.എൽ.സി.യും കുറഞ്ഞത് മത്സ്യകൃഷിമേഖലയിൽ അഞ്ച് വർഷം പ്രവർത്തന പരിചയവുമുള്ളവർക്ക് അപേക്ഷിക്കാം. താത്പര്യമുള്ളവർക്ക് സർട്ടിഫിക്കറ്റുകൾ സഹിതം മെയ് 30 രാവിലെ 11ന് കോഴിക്കോട് വെസ്റ്റ്ഹിൽ ഫിഷറീസ് ഡെപ്യൂട്ടി ഡയറക്ടർ ഓഫീസിൽ നടക്കുന്ന അഭിമുഖത്തിൽ പങ്കെടുക്കാം. ഫോൺ: 04952383780

*

റേഡിയോഗ്രാഫർ നിയമനം

ഗവ. മെഡിക്കൽ കോളേജിലെ മാതൃശിശു സംരക്ഷണ കേന്ദ്രത്തിൽ എച്ച്.ഡി.എസിന് കീഴിൽ റേഡിയോഗ്രാഫറെ ദിവസവേതനാടിസ്ഥാനത്തിൽ നിയമിക്കുന്നു. യോഗ്യത: ഡി.ആർ.ടിയും റേഡിയോഗ്രാഫിയിൽ ആറ് മാസത്തെ പ്രവൃത്തി പരിചയവും. താത്പര്യമുള്ളവർക്ക് മെയ് 24 രാവിലെ 11.30 ന് ഐ.എം.സി.എച്ച് സൂപ്രണ്ട് ഓഫീസിൽ നടക്കുന്ന അഭിമുഖത്തിൽ പങ്കെടുക്കാം.

*

ക്ലറിക്കൽ അസിസ്റ്റന്റ് അപേക്ഷ ക്ഷണിച്ചു

കേരള ആരോഗ്യശാസ്ത്ര സർവകലാശാലയിൽ ക്ലറിക്കൽ അസിസ്റ്റന്റ് തസ്തിയിൽ അന്യത്രസേവന വ്യവസ്ഥയിൽ നിയമനം നടത്തുന്നതിന് അപേക്ഷ ക്ഷണിച്ചു. സർവകലാശാല/ സെക്രട്ടേറിയറ്റ്/ പി.എസ്.സി/ മറ്റു സർക്കാർ വകുപ്പുകളിൽ സമാന തസ്തികയിലും ശമ്പള സ്‌കെയിലിലും സേവനമനുഷ്ഠിച്ച് വരുന്ന ഉദ്യോഗസ്ഥർക്ക് അപേക്ഷിക്കാം. അപേക്ഷകൾ രജിസ്ട്രാർ, കേരള ആരോഗ്യശാസ്ത്ര സർവകലാശാല, മെഡിക്കൽ കോളേജ് പി.ഒ., തൃശൂർ- 680596 എന്ന വിലാസത്തിൽ മേയ് 30ന് മുൻപായി ലഭിക്കണം. ഫോൺ: 0487 2207664

*

മെയ് 23 മുതൽ 27 വരെ നാറ്റ്പാക്കിൽ ഓപ്പൺഹൗസ്

സുസ്ഥിര സുരക്ഷിത ഗതാഗതത്തിനായി ഗവേഷണങ്ങൾ നടത്തുന്ന ദേശീയ ഗതാഗത ആസൂത്രണ ഗവേഷണ കേന്ദ്രം (നാറ്റ്പാക്) മെയ് 23 മുതൽ 27 വരെ സംഘടിപ്പിക്കുന്ന ഓപ്പൺഹൗസിൽ പൊതുജനങ്ങൾക്കും വിദ്യാർഥികൾക്കും പങ്കെടുക്കാൻ അവസരം. കേരളത്തിലെ ശാസ്ത്ര സാങ്കേതിക മേഖലയുടെ സുവർണ ജൂബിലി അഘോഷത്തിന്റെ ഭാഗമായാണ് പരിപാടി സംഘടിപ്പിക്കുന്നത്.

*

ആനയെ എഴുന്നള്ളിപ്പ്: രജിസ്‌ട്രേഷൻ വിട്ടുപോയ ആരാധാനലയങ്ങൾക്ക് വീണ്ടും അവസരം

നാട്ടാനകളെ പങ്കെടുപ്പിച്ചുകൊണ്ടുള്ള ഉത്സവങ്ങൾ പൂരങ്ങൾ, വരവുകൾ എന്നിവയുടെ രജിസ്‌ട്രേഷൻ 2015-ൽ ജില്ലാ മോണിറ്ററിങ് കമ്മിറ്റിയിൽ മോണിറ്റർ ചെയ്യാൻ വിട്ടുപോയ ഉത്സവങ്ങൾ, പൂരങ്ങൾ, വരവുകൾ എന്നിവ രജിസ്റ്റർ ചെയ്യാൻ വീണ്ടും അവസരം. 2022 മെയ് 31 വരെയാണ് സമയം നീട്ടി നൽകിയത്. കൊയിലാണ്ടി, വടകര താലൂക്കുകളിൽപ്പെട്ട ആരാധനാലയങ്ങൾ വടകര സോഷ്യൽ ഫോറസ്ട്രി റെയിഞ്ച് ഫോറസ്റ്റ് ഓഫീസർക്കും കോഴിക്കോട് താലൂക്കിലെ ആരാധനാലയങ്ങൾ കോഴിക്കോട് സോഷ്യൽ ഫോറസ്ട്രി റെയിഞ്ച് ഫോറസ്റ്റ് ഓഫീസർക്കും അപേക്ഷ നൽകണം.
കൂടതൽ വിവരങ്ങൾക്കും അപേക്ഷയുടെ മാതൃകയ്ക്കും:
കോഴിക്കോട് സോഷ്യൽ ഫോറസ്ട്രി റെയിഞ്ച് ഫോറസ്റ്റ് ഓഫീസർ – 8547603816/8547603817, വടകര സോഷ്യൽ ഫോറസ്ട്രി റെയിഞ്ച് ഫോറസ്റ്റ് ഓഫീസർ – 8547603822/8547603824, കോഴിക്കോട് സോഷ്യൽ ഫോറസ്ട്രി ഡിവിഷൻ ഓഫീസർ – 0495 2416900.

കാർബൺ ന്യൂട്രൽ ഗവേണൻസ്; 19 ഇലക്ട്രിക് വാഹങ്ങൾ കൈമാറി
അനർട്ടിന്റെ കാർബൺ ന്യൂട്രൽ ഗവേണൻസ് പദ്ധതിയുടെ ഭാഗമായി വിവിധ വകുപ്പുകൾക്കു കൈമാറുന്ന ഇലക്ട്രിക് വാഹങ്ങളുടെ ഫ്‌ളാഗ് ഓഫ് ഊർജ വകുപ്പ് പ്രിൻസിപ്പൽ സെക്രട്ടറി രാജേഷ് കുമാർ സിൻഹ നിർവഹിച്ചു. തിരുവനന്തപുരം കവടിയാർ ജംഗ്ഷനിൽ നടന്ന ചടങ്ങിൽ അനെർട്ട് സി.ഇ.ഒ. നരേന്ദ്ര നാഥ് വേലുരി വാഹനങ്ങളുടെ താക്കോൽ കൈമാറി. കവടിയാർ മുതൽ പി.എം.ജി. വരെ ഇലക്ട്രിക്ക് കാറുകളുടെ റാലിയും സംഘടിപ്പിച്ചു.
കാർബൺ ന്യൂട്രൽ ഗവേർണൻസ് പദ്ധതിയുടെ ഭാഗമായി വിവിധ സർക്കാർ വകുപ്പുകൾക്കും സ്ഥാപനങ്ങൾക്കും ഈ വർഷം 300 ഇലക്ട്രിക് വാഹനങ്ങൾ നൽകാനാണ് അനെർട്ട് ലക്ഷ്യമിടുന്നത്. ഇതിന്റെ ആദ്യഘട്ടമായാണ് ഒമ്പതു വകുപ്പുകൾക്കായി 19 വാഹനങ്ങൾ കൈമാറിയത്. വാണിജ്യ വ്യവസായ ഡയറക്ടറേറ്റ്, മഹാത്മാഗാന്ധി ദേശീയ ഗ്രമീണ തൊഴിലുറപ്പു പദ്ധതി കൊല്ലം, ഇലക്ട്രിക്കൽ ഇൻസ്പെക്ടറേറ്റ് പത്തനംതിട്ട, കേരള വാട്ടർ അതോറിട്ടി ക്വാളിറ്റി കൺട്രോൾ ഡിവിഷൻ, കേരള പബ്ലിക് സർവീസ് കമ്മീഷൻ, സി.ഡബ്ല്യൂ.ആർ.ഡി.എം കോഴിക്കോട്, ഇലക്ട്രിക്കൽ ഇൻസ്പെക്ടറേറ്റ് ആലപ്പുഴ, ഡയറക്ടറേറ്റ് ഓഫ് സർവ്വേ ആൻഡ് ലാൻഡ് റെക്കോർഡ്‌സ്, ശുചിത്വമിഷൻ തിരുവനന്തപുരം എന്നിവർക്കാണ് വാഹനങ്ങൾ നൽകിയത്.
എട്ടു വർഷത്തേക്കു ലീസ് വ്യവസ്ഥയിൽ നൽകുന്ന വാഹനങ്ങൾക്ക് മാസം 27,030 രൂപയാണ് വകുപ്പുകൾ അടക്കേണ്ടത്. കഴിഞ്ഞ സാമ്പത്തിക വർഷം 25 വകുപ്പുകൾക്ക് 152 വാഹനങ്ങൾ നൽകിയിരുന്നു.
പി.എൻ.എക്സ്. 2056/2022

വിദ്യാഭ്യാസ അവകാശ നിയമം: യോഗം ഇന്ന്(20 മേയ്)
വിദ്യാഭ്യാസ അവകാശ നിയമം സംബന്ധിച്ചു സംസ്ഥാന ബാലാവകാശ സംരക്ഷണ കമ്മിഷൻ സംഘടിപ്പിക്കുന്ന സംസ്ഥാനതല കർത്തവ്യവാഹകരുടെ കൂടിയാലോചനാ യോഗം ഇന്ന്(മേയ് 20). പൂജപ്പുര എസ്.സി.ഇ.ആർ.ടി. ഹാളിൽ ഉച്ചകഴിഞ്ഞു രണ്ടിനു നടക്കുന്ന യോഗത്തിൽ കമ്മിഷൻ ചെയർപേഴ്‌സൺ കെ.വി. മനോജ് കുമാർ, അംഗങ്ങളായ റെനി ആന്റണി, സി. വിജയകുമാർ, ബി. ബബിത, പി.പി. ശ്യാമളാദേവി, സെക്രട്ടറി അനിത ദാമോദരൻ, രജിസ്ട്രാർ പി.വി. ഗീത തുടങ്ങിയവർ പങ്കെടുക്കും. പൊതുവിദ്യാഭ്യാസ വകുപ്പ് സെക്രട്ടറി, സംസ്ഥാന പൊലീസ് മേധാവി, പൊതുവിദ്യാഭ്യാസ ഡയറക്ടർ, സ്റ്റുഡന്റ്സ് പൊലീസ് കേഡറ്റ്സ് സംസ്ഥാന നോഡൽ ഓഫിസർ, ട്രാൻസ്പോർട്ട് കമ്മിഷണർ, എസ്.സി.ഇ.ആർ.ടി, സീമാറ്റ്, ആരോഗ്യ വകുപ്പ്, പട്ടികജാതി വകുപ്പ്, പട്ടിക വർഗ വകുപ്പ്, തദ്ദേശ സ്വയംഭരണ വകുപ്പ്, ഫിഷറീസ് വകുപ്പ് എന്നിവയുടെ ഡയറക്ടർമാർ, വിവിധ വകുപ്പുകളിലെ ഉന്നത ഉദ്യോഗസ്ഥർ തുടങ്ങിയവർ പങ്കെടുക്കും.
പി.എൻ.എക്സ്. 2057/2022

ലക്ഷ്യ സ്‌കോളർഷിപ്പിന് അപേക്ഷിക്കാം
പട്ടികജാതി, പട്ടികവർഗ വിഭാഗത്തിലുള്ളവർക്ക് സിവിൽ സർവീസ് പരീക്ഷാ പരിശീലനം നൽകുന്നതിനായി പട്ടികജാതി വികസന വകുപ്പ് നടപ്പിലാക്കുന്ന ലക്ഷ്യ സ്‌കോളർഷിപ്പ് പദ്ധതിയിൽ അപേക്ഷ ക്ഷണിച്ചു. അംഗീകൃത സർവകലാശാല ബിരുദമാണ് അടിസ്ഥാന യോഗ്യത. പരീക്ഷ എഴുതി ഫലം കാത്തിരിക്കുന്നവർക്കും അപേക്ഷിക്കാം. പ്രായപരിധി 01.08.2022 ൽ 20-36 വയസ്. പട്ടികജാതി വികസന വകുപ്പിന്റെ കീഴിൽ തിരുവനന്തപുരം മണ്ണന്തലയിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഫോർ സിവിൽ സർവീസസ് എക്‌സാമിനേഷൻ ട്രെയിനിംഗ് സൊസൈറ്റി നടത്തുന്ന പ്രവേശന പരീക്ഷയുടേയും അഭിമുഖത്തിന്റേയും അടിസ്ഥാനത്തിലാണ് സ്‌കോളർഷിപ്പിനായി വിദ്യാർഥികളെ തെരഞ്ഞെടുക്കുന്നത്. 2022-23 വർഷത്തിൽ 30 പേർക്കാണ് സ്‌കോളർഷിപ്പ്. അഞ്ച് സീറ്റ് പട്ടികവർഗ വിഭാഗക്കാർക്ക് സംവരണം ചെയ്തിട്ടുണ്ട്. അപേക്ഷ ജൂൺ 10നകം നൽകണം. www.icsets.org മുഖേന ഓൺലൈനായി അപേക്ഷിക്കണം. വിശദാംശങ്ങൾക്ക്: 0471-2533272.
പി.എൻ.എക്സ്. 2058/2022

ചിത്രകലാ അധ്യാപക ഒഴിവ്
സാസംസ്‌കാരിക വകുപ്പിനു കീഴിൽ വട്ടിയൂർക്കാവിൽ പ്രവർത്തിക്കുന്ന ഗുരുഗോപിനാഥ് നടനഗ്രാമത്തിൽ ചിത്രകല അധ്യാപക ഒഴിവിൽ അപേക്ഷ ക്ഷണിച്ചു. കരാർ അടിസ്ഥാനത്തിലാണ് നിയമനം. ഫൈനാർട്‌സിൽ ബിരുദാനന്തരദിരുദ യോഗ്യതയുള്ളവർക്ക് അപേക്ഷിക്കാം. യോഗ്യത തെളിയിക്കുന്ന സാക്ഷ്യപത്രങ്ങളുടെ പകർപ്പും ബയോഡാറ്റയും സഹിതം സേക്രട്ടറി, ഗുരുഗോപിനാഥ് നടനഗ്രാമം, വട്ടിയൂർക്കാവ്- 695013 എന്ന വിലാസത്തിൽ മേയ് 25ന് മുമ്പ് അപേക്ഷിക്കണം. ഫോൺ: 0471-2364771, ഇ-മെയിൽ: secretaryggng@gmail.com.
പി.എൻ.എക്സ്. 2059/2022

കേരളനടനം സപര്യാപുരസ്‌കാരത്തിന് അപേക്ഷകളും നാമനിർദേശങ്ങളും ക്ഷണിച്ചു
കേരളനടനത്തിൽ ജീവിതമർപ്പിച്ച മുതിർന്ന പ്രതിഭക…

ഗസ്റ്റ് ലക്ചറർ ഇന്റർവ്യൂ
തിരുവനന്തപുരം സർക്കാർ ആർട്സ് കോളജിൽ ബയോകെമിസ്ട്രി വിഷയത്തിന് നിലവിലുള്ള ഒഴിവിൽ ഗസ്റ്റ് അധ്യാപക നിയമനത്തിന് 31ന് രാവിലെ 11 ന് ഇന്റർവ്യൂ നടത്തും. കോളജ് വിദ്യാഭ്യാസ വകുപ്പ് കൊല്ലം ഡെപ്യൂട്ടി ഡയറക്ടറേറ്റിൽ രജിസ്റ്റർ ചെയ്ത യു.ജി.സി നിഷ്‌ക്കർഷിച്ചിട്ടുള്ള നിശ്ചിത യോഗ്യതയുള്ളവർക്ക് പങ്കെടുക്കാം.
പി.എൻ.എക്സ്. 2054/2022

കെൽട്രോൺ തൊഴിൽ നൈപുണ്യ കോഴ്‌സുകൾ
കെൽട്രോണിന്റെ വഴുതക്കാടുള്ള നോളജ് സെന്ററിൽ ഒരു വർഷത്തെ തൊഴിലധിഷ്ഠിത കോഴ്‌സുകളിൽ അപേക്ഷ ക്ഷണിച്ചു. ഇന്ത്യയിലും വിദേശത്തും നിരവധി തൊഴിൽ സാധ്യതകൾ ഉള്ള ഡിപ്ലോമ ഇൻ ഇന്ത്യൻ ആൻഡ് ഫോറിൻ അക്കൗണ്ടിങ്, ഡിപ്ലോമ ഇൻ ലോജിസ്റ്റിക്‌സ് ആൻഡ് സപ്ലൈചെയ്ൻ മാനേജ്‌മെന്റ്, അഡ്വാൻസ്ഡ് ഡിപ്ലോമ ഇൻ മീഡിയാ ഡിസൈനിങ് ആൻഡ് ഡിജിറ്റൽ ഫിലിം മേക്കിങ്, ഡിപ്ലോമ ഇൻ ഹാർഡ്‌വെയർ ആൻഡ് നെറ്റ്‌വർക്ക് മെയിന്റനൻസ് വിത്ത് ഇ-ഗാഡ്ജറ്റ് ടെക്‌നോളജി, വെബ് ഡിസൈൻ ആൻഡ് ഡെവലപ്‌മെന്റ്‌സ് എന്നിവയാണ് കോഴ്‌സുകൾ.
അടിസ്ഥാന യോഗ്യത പ്ലസ്ടു, ഡിപ്ലോമ, ബി.ടെക് എന്നിവയാണ്. പ്രായപരിധിയില്ല. ksg.keltron.in എന്ന വെബ്‌സൈറ്റിൽ അപേക്ഷാഫോം ലഭിക്കും. അപേക്ഷ സമർപ്പിക്കേണ്ട അവസാന തീയതി മെയ് 30. വിശദവിവരങ്ങൾക്ക്: 0471 2325154, 8590605260.
പി.എൻ.എക്സ്. 205