ചുരുക്കപ്പട്ടിക പ്രസിദ്ധീകരിച്ചു
കോഴിക്കോട് ജില്ലാ സഹകരണ ബാങ്കില്‍ ഡ്രൈവര്‍ (എന്‍സിഎ-എസ്.സി) (കാറ്റഗറി നം. 396/2018) തസ്തികയുടെ ചുരുക്കപ്പട്ടികയുടെ പകര്‍പ്പ് പ്രസിദ്ധീകരിച്ചു.
മണലിന് അപേക്ഷിക്കാം
കേരള സംസ്ഥാന നിര്‍മ്മിതി കേന്ദ്രം മണലിനുളള അപേക്ഷ ക്ഷണിച്ചു. ് ആവശ്യമുളളവര്‍ വീടിന്റെ ബില്‍ഡിംഗ് പെര്‍മിറ്റ്/അനുമതി ലഭിച്ച പ്ലാന്‍/റേഷന്‍ കാര്‍ഡ്/ആധാര്‍ എന്നീ രേഖകളുടെ പകര്‍പ്പ് സഹിതം കേരള സംസ്ഥാന നിര്‍മ്മിതി കേന്ദ്രത്തിന്റെ കോഴിക്കോട്, തിരുത്തിയാടുളള ഓഫീസില്‍ മാര്‍ച്ച് അഞ്ചിന് മൂന്ന് മണിക്കകം അപേക്ഷ എത്തിക്കണമെന്ന് റീജിയണല്‍ എഞ്ചിനീയര്‍ അറിയിച്ചു. കൂടുതല്‍ വിവരങ്ങള്‍ക്ക്് 0495 2772394.
മത്സ്യത്തൊഴിലാളികള്‍ക്കുള്ള അറിയിപ്പ്
2020-2021 സാമ്പത്തിക വര്‍ഷം സമ്പാദ്യസമാശ്വാസ പദ്ധതിയില്‍ മത്സ്യതൊഴിലാളി/ അനുബന്ധതൊഴിലാളി വിഹിതം പ്രതിദിനം യഥാക്രമം 100, 240 രൂപ അടയ്ക്കാത്തവര്‍ ക്യാമ്പുകളില്‍ ഹാജരായി അടയ്ക്കണമെന്ന് റീജ്യണല്‍ എക്സിക്യൂട്ടീവ് അറിയിച്ചു.
വടകര മത്സ്യഭവന്‍, മൂടാടി മത്സ്യഭവന്‍, കൊയിലാണ്ടി ഹാര്‍ബര്‍, ബേപ്പൂര്‍, ചാലിയം മത്സ്യഭവന്‍, എന്നിവിടങ്ങളില്‍ ഫെബ്രുവരി 24 -നും പുതിയാപ്പ അരയസമാജത്തില്‍ ഫെബ്രുവരി 25 -നും ക്യാമ്പുകള്‍ നടക്കും.
2020- 2021 സാമ്പത്തിക വര്‍ഷത്തില്‍ വിഹിതമടക്കാത്തവര്‍ മാത്രം ക്യാമ്പുകളില്‍ ഹാജരായാല്‍ മതി. ഈ വര്‍ഷത്തെ സമ്പാദ്യസമാശ്വാസ പദ്ധതിയില്‍ ചേര്‍ന്നിട്ടുള്ളവര്‍ ഹാജരാകേണ്ടതില്ല. .
ഇനി ഞാനൊഴുകട്ടെ മൂന്നാം ഘട്ട ക്യാമ്പയിന്‍ – ‘ വീണ്ടെടുക്കാം ജലശൃംഖലകള്‍ ‘ ജില്ലാതല ഉദ്ഘാടനം 21-ന്
ഹരിതകേരളം മിഷന്റെ ഭാഗമായി നീര്‍ച്ചാലുകളും പുഴകളും വീണ്ടെടുക്കുന്നതിനായി ഫെബ്രുവരി 28 വരെ ‘ഇനി ഞാനൊഴുകട്ടെ’- മൂന്നാം ഘട്ട ക്യാമ്പയിന്‍ – ‘വീണ്ടെടുക്കാം ജലശൃംഖലകള്‍’ എന്ന പേരില്‍ നടക്കും. ജില്ലാതല ഉദ്ഘാടനം ഫെബ്രുവരി 21 -ന് രാവിലെ 8 മണിക്ക് കോഴിക്കോട് കോര്‍പ്പറേഷന്‍ 48,49,50,53 വാര്‍ഡുകളിലൂടെ ഒഴുകുന്ന 6.5 കിലോമീറ്റര്‍ നീളമുള്ള മുണ്ടകന്‍ തോട് ശുചീകരിച്ചുകൊണ്ട് നടക്കും. എം എല്‍ എ വി കെ സി മമ്മദ്കോയ ഉദ്ഘാടനം ചെയ്യും. മേയര്‍ ഡോ.ബീന ഫിലിപ്പ് അദ്ധ്യക്ഷത വഹിക്കുന്ന ചടങ്ങില്‍ കലക്ടറും പങ്കെടുക്കും.
ജില്ലയിലെ എല്ലാ ഗ്രാമപഞ്ചയാത്ത്, നഗരസഭകളിലും ഫെബ്രുവരി, മാര്‍ച്ച് മാസങ്ങളിലായി ഈ ക്യാമ്പയിന്‍ നടത്തും. തൊഴിലുറപ്പ് പദ്ധതി, കുടുംബശ്രീ, യുവജനങ്ങള്‍, വിവിധ സംഘടനകള്‍, വിദ്യാര്‍ത്ഥികള്‍, എന്നിവരുടെ പങ്കാളിത്തത്തോടെ ജനകീയമായാണ് ക്യാമ്പയിന്‍ നടത്തുന്നത്. വീണ്ടെടുത്ത തോടുകളുടേയും നീര്‍ച്ചാലുകളുടേയും തുടര്‍സംരക്ഷണം തൊഴിലുറപ്പ് പദ്ധതികളിലൂടേയും ലഭ്യമായ മറ്റ് പദ്ധതികളും സംയോജിപ്പിച്ച് നടപ്പിലാക്കും.
