ഭരണഘടന തത്വങ്ങൾ പിച്ചിച്ചീന്തി, രാജ്യത്തെ പൗരൻമാരെ മതാടിസ്ഥാനത്തിൽ വിഭജിക്കാനും പിറന്ന മണ്ണിൽ നിന്നും ആട്ടിപ്പായിക്കാനും ഫാസിസ്റ്റ് ഭരണകൂടം നടത്തുന്ന കുതന്ത്രങ്ങൾക്കെതിരെ ആരാമ്പ്രം ഹുദ സെൻറർ മദ്റസ വിദ്യാർത്ഥികളും രക്ഷിതാക്കളും അധ്യാപകരും തീർത്ത പ്രതിരോധ ശൃംഖല ശ്രദ്ധേയമായി. പൗരത്വ ഭേദഗതി നിയമത്തിനെതിരെ ഉറച്ച പ്രഖ്യാപനവുമായി നിരവധി പേർ ശൃംഖലയിൽ അണി ചേർന്നു. മടവൂർ ഗ്രാമപഞ്ചായത്ത് അംഗം സക്കീന മുഹമ്മദ് വായിച്ച ഭരണഘടന ആമുഖം എല്ലാവരും ഏറ്റുചൊല്ലി. മദ്റസ പി.ടി.എ പ്രസിഡണ്ട് എം.അബ്ദുൽ റശീദ്, ശുക്കൂർ കോണിക്കൽ, നിസാർ പുല്ലോ റക്കാവിൽ, സലാം ചക്കാലക്കൽ, നാസർ പി.ടി, ഹുസൈൻ പുതിയോട്ടിൽ, മാതൃസമിതി ചെയർപേഴ്സൺ നജ്ല സി.വി, സി.കെ സുബൈദ, കെ.പി മൈമൂന തുടങ്ങിയവർ നേതൃത്വം നൽകി