കുന്ദമംഗലം : ആരാധനകളും ആഘോഷങ്ങളും മനുഷ്യ സ്നേഹത്തിൻറെ പ്രതീകമാകണം എന്ന സന്ദേശം നൽകുന്ന സ്നേഹ ഗീതം ആൽബം സോങ് പെരുന്നാൾ സുദിനത്തിൽ റിലീസ് ആകുന്നു. സക്കീർ ഹുസൈൻ കുന്ദമംഗലം രചനയും സംഗീതവും നിർവഹിച്ച ആൽബം തൽഹത്ത് കുന്ദമംഗലം സംവിധാനം നിർവഹിച്ചു. വിനായക് വെളുരിടത്തിൽ ക്യാമറയും ,യുവ ഗായകൻ നിഷാം കുന്ദമഗലം ആലാപനവും നിർവഹിച്ചു.
മുൻ പഞ്ചായത്ത് മെമ്പറും ,പൊതുപ്രവർത്തകനും ഓട്ടോറിക്ഷ ഡ്രൈവറുമായ സക്കീർ ഹുസൈൻ കലാ ലോകത്തിന് തന്നെ അഭിമാനമാണ്. വായനക്കാർക്ക് വേണ്ടി ഒന്നാമൻ എന്ന പേരിൽ തന്റെ ഓട്ടോറിക്ഷ ലൈബ്രറിയാക്കിയ ഈ അനുഗ്രഹീത കലാകാരന്റെ പുതിയ ആൽബം സോങ് പ്രേക്ഷകർ ഏറ്റെടുക്കും എന്നതിൽ യാതൊരു സംശയവും ഇല്ല.
മരണത്തിലേക്കുള്ള യാത്രയ്ക്കിടയിൽ മനുഷ്യർ പരസ്പരം കലഹിക്കരുതെന്നും എല്ലാവരും ഏകോദര സഹോദരങ്ങൾ ആണെന്നുമുള്ള മതസൗഹാർദ്ദത്തിന്റെ ശക്തമായ സന്ദേശം നൽകുന്നതാണ് സ്നേഹ സംഗീതം.
