കുന്ദമംഗലം: കുന്ദമംഗലം ഉപജില്ലയിലെ വിവിധ സ്കൂളുകളുമായി ബന്ധപ്പെട്ട ഉച്ചഭക്ഷണ പദ്ധതിയുടെ സോഷ്യൽ ഓഡിറ്റ്, കിലയുടെ ആഭിമുഖ്യത്തിൽ സംഘടിപ്പിച്ചു. കുന്ദമംഗലം ബ്ലോക്ക് പഞ്ചായത്ത് ഹാളിൽ നടന്ന പരിപാടി ബ്ലോക്ക് പഞ്ചായത്ത് പ്രസിഡൻറ് ശ്രീ അരിയിൽ അലവി ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡൻറ് ശ്രീമതി ലിജി പുൽകുന്നുമ്മൽ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ചന്ദ്രൻ തിരുവലത്ത്, ഉപജില്ലാ വിദ്യാഭ്യാസ ഓഫീസർ രാജീവ് കെ നൂൺ ഓഫീസർ സനിൽ പി എസ് നൂൺ ഫീഡിങ് സൂപ്പർവൈസർ ശ്രീമതി ബിന്ദു ആർ, പ്രധാനാധ്യാപകൻ പ്രവീൺ എം എന്നിവർ സംസാരിച്ചു.
സ്കൂളുകൾക്ക് വേണ്ടി രക്ഷിതാക്കളുടെ പ്രതിനിധികൾ, പിടിഎ പ്രസിഡണ്ട്മാർ എന്നിവർ റിപ്പോർട്ട് അവതരിപ്പിച്ചു. കിലാ ജില്ലാ ഫെസിലിറ്റേറ്റർ പ്രമോദ് കുമാർ, തീമാറ്റിക് എക്സ്പർട്ട് സജ്ന യു എ, അനുപമ കൃഷ്ണ പി ബി എന്നിവർ നേതൃത്വം നല്കി.
