വാട്സാപ്പ് സ്റ്റാറ്റസിനെ ചൊല്ലി കർണാടകയിൽ തെരുവിലിറങ്ങി ജനം. കർണാടകയിലെ ഹുബ്ബള്ളിയിൽ നടന്ന ആക്രമ സംഭവങ്ങളിൽ 40 പേരെ കസ്റ്റഡിയിലെടുത്തു. ആക്രമണത്തിൽ പോലീസുകാരുൾപ്പെടെ നിരവധി പേർക്ക് പരിക്കേറ്റു. അക്രമകാരികൾ നിരവധി പോലീസ് വാഹനങ്ങൾ തകർത്തിട്ടുണ്ട്.
ഹുബ്ബള്ളിയിൽ നിരോധനാഞ്ജ പ്രഖ്യാപിച്ചിരിക്കുകയാണ്.
സ്റ്റാറ്റസിൽ മോർഫ് ചെയ്ത ചിത്രം പ്രചരിപ്പിച്ച അഭിഷേക് ഹിരേമത് എന്ന ആളെ അറസ്റ്റ് ചെയ്യണമെന്നാവശ്യപ്പെട്ട് ഓൾഡ് ഹുബ്ബള്ളി പൊലീസ് സ്റ്റേഷനു മുന്നിൽ ആളുകൾ പ്രതിഷേധം നടത്തിയിരുന്നു. ഇതിനിടെ ഇവർ പൊലീസ് വാഹനങ്ങൾക്ക് കേട് വരുത്തി. തുടർന്ന് പൊലീസ് ഇയാളെ അറസ്റ്റ് ചെയ്തു. നിയമം കയ്യിലെടുക്കുന്നവർക്കെതിരെ ശക്തമായ നിരമ നടപടി സ്വീകരിക്കുമെന്ന് മുഖ്യമന്ത്രി ബസവരാജ് ബൊമ്മൈ പറഞ്ഞു.
