വാഷിംഗ്ടണ്: അലാസ്കയില് യു എസ് പ്രസിഡന്റ് ഡോണള്ഡ് ട്രംപും റഷ്യന് പ്രസിഡന്റ് വ്ളാഡിമിര് പുടിനും തമ്മില് നടത്തിയ നിര്ണായക കൂടിക്കാഴ്ച അവസാനിച്ചു. യുക്രൈന്- റഷ്യ വെടിനിര്ത്തലില് നിര്ണായക തീരുമാനം ഉണ്ടാകുമെന്ന് പ്രതീക്ഷിച്ചിരുന്ന കൂടിക്കാഴ്ചയില് വിഷയത്തില് യാതൊരു ധാരണയും ഉണ്ടായില്ലെന്നാണ് വിവരം. അതേസമയം മൂന്ന് മണിക്കൂറോളം നീണ്ട ചര്ച്ചയില് വെടിനിര്ത്തലിനായുള്ള അന്തിമ കരാറിലെത്തിയില്ലെങ്കിലും പല കാര്യങ്ങളിലും ധാരണയായി എന്ന് ട്രംപ് അറിയിച്ചു. ചര്ച്ചയില് വലിയ പുരോഗതിയുണ്ടായെന്നും വൈകാതെ ലക്ഷ്യം കാണാനാവുമെന്നും ഇരുനേതാക്കളും സംയുക്ത വാര്ത്താ സമ്മേളനത്തില് അറിയിച്ചു. ചര്ച്ചയിലെ ധാരണകളെ കുറിച്ച് യുക്രൈന് പ്രസിഡന്റ് വ്ളാദിമിര് സെലന്സ്കിയുമായും നാറ്റോ രാജ്യങ്ങളുമായും സംസാരിക്കുമെന്നും അതിന് ശേഷം തുടര് നടപടിയെന്നും ട്രംപ് വ്യക്തമാക്കി.
അന്തിമ കരാറിലെത്താതെ ട്രംപ് – പുടിന് കൂടിക്കാഴ്ച; ചര്ച്ചയില് പുരോഗതിയെന്ന് നേതാക്കള്
