കുന്ദമംഗലം : ദളിത് കോൺഗ്രസ് കുന്ദമംഗലം ബ്ലോക്ക് പ്രസിഡന്റ് നിയമനവുമായി ബന്ധപ്പെട്ട തർക്കത്തിൽ പരിഹാരം.ദളിത് കോൺഗ്രസ് മുൻ സംസ്ഥാന പ്രസിഡന്റ് ആറ് മാസങ്ങൾക്കുമുൻപ് കുന്ദമംഗലം ബ്ലോക്ക് ദളിത് കോൺഗ്രസ് പ്രസിഡണ്ട് ആയി ലാലുമോൻ ചേരിഞ്ചാലിനെ പ്രഖ്യാപിക്കുകയും എന്നാൽ സംസ്ഥാന പ്രസിഡന്റ് മാറി പുതിയ സംസ്ഥാന പ്രസിഡന്റ് ചുമതല ഏറ്റെടുത്ത് ഏതാനും നാളുകൾക്കകം കുന്ദമംഗലം ബ്ലോക്ക് ദളിത് കോണ്ഗ്രസ് പ്രസിഡന്റ് ആയ ലാലുമോനെ മാറ്റി പകരം ബൈജു മൂപ്രമ്മലിനെ പ്രസിഡണ്ട് ആയി നിയമിക്കുകയും ചെയ്തു.ഇത് ദളിത് കോൺഗ്രസ്സിൽ അഭിപ്രായ വ്യത്യാസം ഉണ്ടാകുകയും 94 ദളിത് കോൺഗ്രസ് പ്രവർത്തകർ രാജി സന്നദ്ധത അറിയിച്ചുകൊണ്ട് DCC പ്രസിഡണ്ട് അഡ്വ. കെ. പ്രവീൺ കുമാറിന് പരാതി നൽകി.തുടർന്ന് ഡിസിസി പ്രസിഡന്റും ബ്ലോക്ക് കോൺഗ്രസ് പ്രസിഡന്റും ദളിത് കോൺഗ്രസ് സംസ്ഥാന ജില്ലാ നേതാക്കളും ഇരു വിഭാഗവുമായി നടത്തിയ ചർച്ചയെ തുടർന്ന് ലാലുമോനെ ദളിത് കോൺഗ്രസ് കോഴിക്കോട് ജില്ലാ വൈസ് പ്രസിഡന്റ് ആയി നിയമിക്കുകയും അതിന്റെ അടിസ്ഥാനത്തിൽ രാജിയിൽ നിന്ന് പിന്മാറാനും ദളിത് കോൺഗ്രസ് ബ്ലോക്ക് കമ്മിറ്റിയുമായി സഹകരിച്ചു പോകുവാനും തീരുമാനമായി.
കുന്ദമംഗലം ബ്ലോക്ക് പ്രസിഡന്റ് നിയമനം;ദളിത് കോൺഗ്രസ്സിലെ തർക്കം തീർന്നു
