എ ഡി എം നവീൻ ബാബു ആത്മഹത്യ ചെയ്ത സംഭവത്തിൽ സർക്കാർ അന്വേഷണം പ്രഖ്യാപിക്കണമെന്ന് കോൺഗ്രസ് നേതാവ് സണ്ണി ജോസഫ് എം എൽ എ . ജില്ലാ പഞ്ചായത്ത് പ്രസിഡന്റ് ക്ഷണിക്കപ്പെടാത്ത അതിഥിയായി വരികയായിരുന്നുവെന്നും തുടർന്ന് അധിക്ഷേപകരമായ കാര്യങ്ങൾ പറയുകയായിരുന്നുവെന്നും സണ്ണി ജോസഫ് ആരോപിച്ചു.
ജനപ്രതിനിധികളെ ആരെയും വിളിക്കാത്ത യോഗത്തിലായിരുന്നു എ.ഡി.എമ്മിന് യാത്രയയപ്പ് നല്കിയത്. അതിലേക്ക് ക്ഷണിക്കപ്പെടാത്ത അതിഥിയായി ജില്ലാ പഞ്ചായത്ത് പ്രസിഡന്റ് കടന്നുചെല്ലുകയും തീര്ത്തും അധിക്ഷേപകരമായ കാര്യങ്ങള് പറയുകയുമാണ് ചെയ്തത്. പരാതികളുണ്ടെങ്കില് അത് അതിന്റെതായ രീതിയിലായിരുന്നു പറയേണ്ടിയിരുന്നത്.
ഇത് ഒരു അധിക്ഷേപവും അവഹേളനവുമായിട്ടേ ആര്ക്കും തോന്നുകയുള്ളു. നവീന് ബാബുവിനും തോന്നിയിട്ടുണ്ടാകാം. ഏതായാലും ഈ മരണ കാരണം പരിശോധിക്കപ്പെടണം. സര്ക്കാര് ഇത് ഗൗരവത്തിലെടുത്ത് കേസ് രജിസ്റ്റര് ചെയ്ത് മരണകാരണം എന്ത് എന്ന് കണ്ടെത്തണം. സര്ക്കാരിന്റെ മുതിര്ന്ന ഉദ്യോഗസ്ഥനാണ് നവീന് ബാബു. കളക്ടര് കഴിഞ്ഞാല് രണ്ടാമത്തെയാളാണ്. ആ ഒരു വ്യക്തിക്ക് പോലും ഇത്തരത്തില് ജീവിതം അവസാനിപ്പിക്കേണ്ട സാഹചര്യം ഉണ്ടാവുന്നു എന്നത് ഏറെ വേദനാജനകമാണ്. പ്രതിഷേധാര്ഹമാണ്. വളരെ ശക്തമായ അന്വേഷണം ഇക്കാര്യത്തില് ഉണ്ടാവണമെന്നും സണ്ണി ജോസഫ് പ്രതികരിച്ചു.
