നിലമ്പൂരിൽ കോൺഗ്രസ് നേതാക്കളുടെ വാഹനത്തിൽ പരിശോധന. നിലമ്പൂര് നഗരത്തിലേക്ക് വരികയായിരുന്ന രാഹുൽ മങ്കൂട്ടത്തിൽ, ഷാഫി പറമ്പിൽ എന്നിവരുടെ വാഹനത്തിലാണ് പരിശോധന നടന്നത്. വാഹനത്തിലെ പെട്ടിയില് വസ്ത്രങ്ങളും പുസ്തകങ്ങളുമാണ് ഉണ്ടായിരുന്നത്. ഏകപക്ഷീയമായ പരിശോധനയെന്ന് നേതാക്കള് ആരോപിക്കുന്നു.
ഇന്നലെ രാത്രി 10 മണിയോടെയായിരുന്നു പരിശോധന. നിലമ്പൂര് വടപുറത്ത് വച്ചായിരുന്നു നടപടി. വാഹനത്തില് ഉണ്ടായിരുന്ന പെട്ടി തുറന്ന് പരിശോധന നടത്തി. വസ്ത്രങ്ങളും പുസ്തകങ്ങളുമാണ് പെട്ടിയില് ഉണ്ടായിരുന്നത്.പരിശോധന വേളയില് ഷാഫി പറമ്പിലും രാഹുല് മാങ്കൂട്ടത്തിലും പൊലീസിനോട് കയര്ത്തു. കോണ്ഗ്രസ് നേതാക്കളുടെ വാഹനങ്ങളിലും റൂമുകളിലും മാത്രമാണല്ലോ പരിശോധന എന്നായിരുന്നു പറഞ്ഞത്. തിരഞ്ഞെടുപ്പിന്റെ ഭാഗമായുള്ള സ്വാഭാവികമായ പരിശോധന എന്നാണ് വിശദീകരണം.
തിരഞ്ഞെടുപ്പ് കാലത്തെ നാടകങ്ങളോട് പ്രതികരിക്കാനില്ലെന്ന് നിലമ്പൂരിലെ എല്ഡിഎഫ് സ്ഥാനാര്ഥി എം സ്വരാജ് പറഞ്ഞു. യുഡിഎഫ് നേതാക്കളുടെ വാഹനങ്ങള് പരിശോധിക്കാന് പാടില്ല എന്ന ഒരു നിയമം ഉണ്ടാക്കേണ്ടി വരും. ഇതൊന്നും തെരഞ്ഞെടുപ്പില് ചര്ച്ചയാകില്ലെന്നും എം സ്വരാജ് പറഞ്ഞു.
