ലോക്ഡൈണില് ബസ് സര്വീസ് തുടങ്ങണമെങ്കില് മിനിമം ചാര്ജ് 20 രൂപയാക്കണമെന്ന് ബസ് ഉടമകള്. കിലോമീറ്ററിന് രണ്ട് രൂപ വീതം വര്ധിപ്പിക്കണമെന്നും റോഡ് നികുതിയിലും ഇന്ഷൂറന്സിലും ഇളവ് വേണമെന്നും വിദ്യാര്ത്ഥികള്ക്ക് സൗജന്യ യാത്ര അനുവദിക്കാനാവില്ലെന്നും ബസുടമകള് സര്ക്കാറിന് മുന്നില് നിബന്ധന വെച്ചു.
നേരത്തെ പൊതുഗതാഗത സൗകര്യം ഘട്ടംഘട്ടമായി പുനസ്ഥാപിക്കുമെന്ന് മന്ത്രി എ.കെ ശശീന്ദ്രന് വ്യക്തമാക്കിയിരുന്നു. സാമൂഹിക അകലം പാലിക്കേണ്ടതിനാല് 50 ശതമാനം യാത്രക്കാരെ പാടുള്ളൂ. അപ്പോള് നഷ്ടം നികത്താന് നിരക്ക് വര്ധിപ്പിക്കേണ്ടി വരും. നിരക്ക് വര്ധന എത്ര ശതമാനമാണെന്ന് സംബന്ധിച്ച് അന്തിമ തീരുമാനമായിട്ടില്ല, മോട്ടോര് വാഹന മേഖല പ്രതിസന്ധിയിലാണ്. കെഎസ്ആര്ടിസിക്ക് ഇപ്പോള് സ്പെഷ്യല് ചാര്ജാണ് ഈടാക്കുന്നത്. നിരക്ക് വര്ധന ലോക് ഡൗണ് കാലത്തേക്ക് മാത്രമാണെന്നും മന്ത്രി പറഞ്ഞു.
