അഖില്‍ അക്കിനേനി മമ്മൂട്ടി ചിത്രം ‘ഏജന്റിനായി’ തെന്നിന്ത്യന്‍ സിനിമാ പ്രേക്ഷകര്‍ വളരെ ആകാംക്ഷയോടെയാണ് കാത്തിരിക്കുന്നത്. എന്നാല്‍ പുതിയ റിപ്പോര്‍ട്ടുകള്‍ ആരാധകര്‍ക്ക് അല്‍പ്പം നിരാശ പകരുന്ന തരത്തിലുള്ളവയാണ്. ഏജന്റിന് ഒരു വര്‍ഷം മുമ്പ് വലിയ ഡിമാന്‍ഡാണ് ഉണ്ടായിരുന്നത്. തെന്നിന്ത്യയില്‍ വലിയ നേട്ടം തന്നെ സിനിമ കരസ്ഥമാക്കുമെന്ന് അണിയറപ്രവര്‍ത്തകരുള്‍പ്പെടെയുള്ളവര്‍ കരുതി.
എന്നാല്‍ തുടര്‍ച്ചയായുണ്ടായ റീഷൂട്ടുകളും സിനിമയുടേതായി പുറത്തിറങ്ങിയ ടീസറും ഗാനങ്ങളുമൊന്നും നല്ല രീതിയില്‍ ശ്രദ്ധ നേടിയെടുക്കാത്തതും അത്ര നല്ല സൂചനയല്ല നല്‍കുന്നതെന്നാണ് നിരൂപകരുടെ അഭിപ്രായം.
ഫാന്‍സി നിരക്കുകളോടെയാണ് ഏജന്റിന്റെ ബിസിനസ് ആരംഭിച്ചത്, വാങ്ങുന്നവര്‍ ഇപ്പോള്‍ വളരെ കുറഞ്ഞ വിലയാണ് ചോദിക്കുന്നത്, ഇത് ഇതിനകം തന്നെ ബജറ്റ് ആസൂത്രണം ചെയ്തതിന്റെ ഇരട്ടിയിലധികം ആയതിനാല്‍ നിര്‍മ്മാതാവിനെ അത വലിയ സാമ്പത്തിക സമ്മര്‍ദ്ദത്തിലാക്കുന്നു.
ഏജന്റ് ഏപ്രില്‍ 28 ന് ലോകമെമ്പാടും റിലീസ് ചെയ്യും. ചിത്രം പാന്‍-ഇന്ത്യന്‍ റിലീസായാണ് പ്ലാന്‍ ചെയ്തിരുന്നത്, എന്നാല്‍ നിലവിലെ സാഹചര്യം വെച്ച് നോക്കുമ്പോള്‍ മലയാളത്തിന്റെ മെഗാസ്റ്റാര്‍ മമ്മൂട്ടി ഒരു നിര്‍ണായക റോളില്‍ അഭിനയിക്കുന്നതിനാല്‍ ചിത്രം തെലുങ്കിലും മലയാളത്തിലും മാത്രമേ റിലീസ് ചെയ്യുകയുള്ളു.
