കൊച്ചി കളമശേരി ഗവ. പോളിടെക്നിക്കിലെ കോളേജ് ഹോസ്റ്റലിൽ നിന്ന് കഞ്ചാവ് പിടിച്ചെടുത്ത സംഭവത്തിൽ ശക്തമായ നടപടിയുണ്ടാകും. അതിൽ സംഘടനയോ പിടിച്ച കൊടിയോ വിഷയമല്ലെന്ന് മന്ത്രി എം.ബി രാജേഷ് പറഞ്ഞു. ഗവ. പോളിടെക്നിക്കിലെ വന് കഞ്ചാവ് വേട്ടയുമായി ബന്ധപ്പെട്ട് പ്രതികരണവുമായി മന്ത്രി എം ബി രാജേഷ്. ഓരോ സംഘടനയും നടത്തുന്ന പ്രവര്ത്തനങ്ങള് കൊണ്ട് കൂടിയാണ് കേരളത്തിന് ലഹരിയെ ചെറുത്ത് നില്ക്കാന് സാധിക്കുന്നത്. അരാജക പ്രവണത ചില സംഘടനകളില് പ്രവര്ത്തിക്കുന്നവരിലുമുണ്ടാകാം. ഏതെങ്കിലും സംഘടനയില് ഉള്പ്പെട്ടവരുണ്ടോ, ഏതെങ്കിലും കൊടി പിടിച്ചവരുണ്ടോ എന്നതൊന്നും വിഷയമല്ല. ഒരു തരത്തിലുള്ള ഇളവും ഉണ്ടാവില്ല. ഉരുക്ക് മുഷ്ടി ഉപയോഗിച്ച് ഇത്തരം ശക്തികളെ അമര്ച്ച ചെയ്യുക തന്നെ ചെയ്യും അദ്ദേഹം വ്യക്തമാക്കി.
