അടുത്തിടെ പുഴയില് വീണ മരണപ്പെട്ട ദേവനന്ദ അബദ്ധത്തില് പുഴയില് വീണുതന്നെയാണ് മരിച്ചതാണെന്ന് ഫോറന്സിക് റിപ്പോര്ട്ട്. അ ഇടതു കവിളില് ചെറിയ പാട് വെള്ളത്തില് വീണപ്പോള് സംഭവിച്ചതാകാമെന്നും റിപ്പോര്ട്ട് പറയുന്നു. മനപൂര്വ്വം ക്ഷതമേല്പ്പിച്ചതിന്റെ അടയാളങ്ങളൊന്നും ഇല്ലെന്നും ഫോറന്സിക് റിപ്പോര്ട്ടിലുണ്ട്.
ദേവനന്ദ മുങ്ങിമരിച്ചത് വീടിന് സമീപത്തെ കുളിക്കടവിലായിരിക്കാമെന്ന സൂചനയാണ് ഫോറന്സിക് സംഘം നല്കിയിരുന്നത്. മൃതദേഹം കണ്ടെത്തിയത് പുഴയിലെ ബണ്ടിന് സമീപത്തായിരുന്നു. കുട്ടിയുടെ ആന്തരികാവയവങ്ങളിലുണ്ടായിരുന്ന ചെളിയും കുളിക്കടവിലെ ചെളിയും ഒന്നാണോ എന്നതടക്കമുള്ള പരിശോധനകളും ഫോറന്സിക് സംഘം നടത്തിയിരുന്നു.
അതേ സമയം ദേവനന്ദ മുമ്പും ആരോടും പറയാതെ വീട്ടില് നിന്ന് ഒറ്റയ്ക്ക് ഇറങ്ങി പോയിട്ടുണ്ടെന്ന് കുട്ടിയുടെ അച്ഛന്. പൊലീസിന് മൊഴി നല്കിയിരുന്നു. കാണാതാകുന്നതിന്റെ അന്നും രാവിലെ കുട്ടി ഒറ്റയ്ക്ക് കടയില് വന്നിരുന്നതായി തൊട്ടടുത്തുള്ള കടയുടമയും പറയുന്നു.
ദേവനന്ദ ഒരിക്കലും ഒറ്റയ്ക്ക് വീടുവിട്ടുപോയിട്ടില്ലെന്നായിരുന്നു വീട്ടുകാരും ബന്ധുക്കളും ആദ്യം മുതല് പറഞ്ഞിരുന്നത്. ഈ മൊഴിയാണിപ്പോള് അച്ഛന് മാറ്റിയത്. ദേവനന്ദയെ കാണാതാകുന്നതിന്റെ അന്ന് രാവിലെ ഒമ്പത് മണിയോടെ കുട്ടി ഒറ്റയ്ക്ക് 100 മീറ്റര് അകലെയുളള കടയിലെത്തി സോപ്പ് വാങ്ങി പോയെന്നും കണ്ടെത്തി. കടയുടമ പൊലീസിന് മൊഴി നല്കിയിട്ടുണ്ട്.
