കാര്ഷികനിയമവുമായി ബന്ധപ്പെട്ട പ്രശ്ന പരിഹാരത്തിനായി സുപ്രീംകോടതി നിയോഗിച്ച നാലംഗ സമിതിയില് നിന്ന് പിന്മാറി ഭൂപീന്ദര് സിങ് മന് . കര്ഷകരുടേയും ജനങ്ങളുടേയും വികാരം പരിഗണിച്ചാണ് പിന്മാറ്റ തീരുമാനമെന്ന് ഭൂപീന്ദര് സിങ് മന് അറിയിച്ചു. പഞ്ചാബിന്റെയോ കര്ഷകരുടെയോ താത്പര്യങ്ങള്ക്ക് വിരുദ്ധമായി പ്രവര്ത്തിക്കാന് ആഗ്രഹിക്കുന്നില്ലെന്നും അദ്ദേഹം പ്രസ്താവനയില് അറിയിച്ചു.’ഒരു കര്ഷകനെന്ന നിലയിലും ഒരു യൂണിയന് നേതാവെന്ന നിലയിലും കര്ഷക സംഘടനകളിലും പൊതുജനങ്ങളിലും പൊതുവെ നിലനില്ക്കുന്ന വികാരങ്ങളും ആശങ്കകളും കണക്കിലെടുത്ത്, പഞ്ചാബിന്റെയും കര്ഷകരുടേയും താത്പര്യങ്ങളില് വിട്ടുവീഴ്ച ചെയ്യാതിരിക്കാന് എനിക്ക് വാഗ്ദാനം ചെയ്ത ഏത് സ്ഥാനത്ത് നിന്നും പിന്മാമാറാന് ഞാന് തയ്യാറാണ്. സമിതിയില് നിന്ന് ഞാന് പിന്മാറുന്നു. ഞാന് എല്ലായ്പ്പോഴും എന്റെ കര്ഷകര്ക്കൊപ്പവും പഞ്ചാബിനൊപ്പവും നില്ക്കുന്നു’, മന് പ്രസ്താവനയില് പറഞ്ഞു.
കർഷക പ്രക്ഷോഭം;സുപ്രീം കോടതിയുടെ നാലംഗ സമിതിയിൽ നിന്നും ഭൂപീന്ദര് സിങ് മന് പിന്മാറി
