മുക്കം: 10 കിലോ കഞ്ചാവുമായി സഹോദരനും സഹോദരിയും മുക്കം പോലീസിന്റെ കസ്റ്റഡിയില്‍. പാലക്കാട് സ്വദേശികളായ ചന്ദ്രശേകരന്‍ (31) സൂര്യ പ്രഭ (28) എന്നിവരെയാണ് പോലീസ് കസ്റ്റഡയില്‍ എടുത്തത്. മുക്കത്ത് വയോധികയെ ഓട്ടോറിക്ഷയില്‍ കയറ്റിക്കൊണ്ട് പോയി ആഭരണങ്ങള്‍ കവര്‍ന്ന കേസ് അന്വേഷിക്കുന്നതതിനിടെയാണ് കഞ്ചാവ് പ്രതികള്‍ അന്വേഷണ സംഘത്തിന്റെ പിടിയിലായത്. മുക്കം എസ്. ഐ സാജിദിന്റെ നേതൃത്തിലുള്ള പോലീസ് സംഘമാണ് ഇവരെ പിടികൂടിയത്. ഇവര്‍ കഞ്ചാവ് മാഫിയ സംഘത്തിലെ കണ്ണികള്‍ ആണെന്ന് സംശയം. ഇവരുടെ പുറകില്‍ വന്‍ മാഫിയ സംഘം ഉണ്ടെന്നാണ് പോലീസ് സംശയിക്കുന്നത്.
ജൂനിയര്‍ എസ് ഐ പ്രവീണ്‍, എ എസ് ഐ സലീം മുട്ടാത്ത് , വനിതാ സീനിയര്‍ സിവില്‍ പോലിസ് ഓഫീസര്‍ സ്വപ്ന, സിവില്‍ പോലീസ് ഓഫീസര്‍ ഷെഫീക് നീലിയാനിക്കല്‍ താമരശ്ശേരി Dysp യുടെ ക്രൈം സ്‌ക്വാഡ് എസ് ഐ മാരായ ബാബു, സുരേഷ് , എ എസ് ഐ ഷിബില്‍ ജോസഫ് , സ്‌പെഷ്യല്‍ ബ്രാഞ്ച് എ എസ് ഐ പ്രദീപ്, നാസര്‍ എന്നിവര്‍ സംഘത്തില്‍ ഉണ്ടായിരുന്നു.
