കുറ്റിക്കാട്ടൂർ ഗവ. ഹയർ സെക്കണ്ടറി സ്കൂൾ ഗ്രൗണ്ട് ഉദ്ഘാടനവും മണ്ഡലം തല കളിസ്ഥല പ്രഖ്യാപനവും നിർവഹിച്ച് മന്ത്രി വി അബ്ദുറഹിമാൻ

കുറ്റിക്കാട്ടൂർ ഗവ. ഹയർ സെക്കണ്ടറി സ്കൂൾ ഗ്രൗണ്ട് ഉദ്ഘാടനവും മണ്ഡലം തല കളിസ്ഥല പ്രഖ്യാപനവും മന്ത്രി വി അബ്ദുറഹിമാൻ നിർവഹിച്ചു.കുറ്റിക്കാട്ടൂർ ഗവ. ഹയർ സെക്കണ്ടറി സ്കൂളിൽ നിർമ്മാണം പൂർത്തീകരിച്ച ഗ്രൗണ്ടിന്റെ ഉദ്ഘാടനവും കുന്ദമംഗലം മണ്ഡലത്തിലെ മുഴുവൻ ഗവ. ഹയർ സെക്കണ്ടറി സ്കൂളുകളിലും കളിസ്ഥലങ്ങൾ നിർമ്മിക്കുന്ന എംഎൽഎയുടെ പദ്ധതി പ്രഖ്യാപനവും കായിക വകുപ്പ് മന്ത്രി വി അബ്ദുറഹിമാൻ നിർവ്വഹിച്ചു. പി.ടി.എ റഹീം എംഎൽഎ അധ്യക്ഷത വഹിച്ചു. എംഎൽഎയുടെ മണ്ഡലം ആസ്തി വികസന ഫണ്ടിൽ നിന്ന് അനുവദിച്ച 30 ലക്ഷം രൂപ ചെലവിലാണ് കുറ്റിക്കാട്ടൂർ ഗവ. ഹയർ സെക്കണ്ടറി സ്കൂൾ ഗ്രൗണ്ട് നവീകരിച്ചത്. പരിപാടിയോടനുബന്ധിച്ച് സ്കൂൾ വിദ്യാർത്ഥികളുടെ അക്രോബാറ്റിക് ഡാൻസ്, ചെണ്ടമേളം, കളരിപ്പയറ്റ്, പ്രദർശന ഫുട്ബോൾ മത്സരം തുടങ്ങിയവയും അരങ്ങേറി. കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് അരിയിൽ അലവി, ജില്ലാ പഞ്ചായത്ത് മെമ്പർ എം ധനീഷ് ലാൽ, ബ്ലോക്ക് പഞ്ചായത്ത് മെമ്പർ കെ.പി അശ്വതി, ഗ്രാമപഞ്ചായത്ത് മെമ്പർ പി.എം ബാബു, പിടിഎ, എംപിടിഎ, എസ്എംസി ഭാരവാഹികൾ, വിവിധ രാഷ്ട്രീയപാർട്ടി പ്രതിനിധികൾ സംസാരിച്ചു. പ്രിൻസിപ്പാൾ സി സുജ റിപ്പോർട്ട് അവതരിപ്പിച്ചു. പിടിഎ പ്രസിഡണ്ട് മുജീബ് റഹ്മാൻ ഇടക്കണ്ടി സ്വാഗതവും ഹെഡ്മിസ്ട്രസ് വി.എസ് ശോഭ നന്ദിയും പറഞ്ഞു.