ഇന്ധനവില വര്ധനവില് ജനങ്ങളുടെ പ്രതിഷേധത്തോട് അനുഭാവം പ്രകടിപ്പിച്ച് കേന്ദ്ര ഗതാഗത മന്ത്രി നിതിന് ഗഡ്കരി. തുടര്ച്ചയായി വില വര്ധിക്കുന്നതിലുള്ള ജനങ്ങളുടെ ആശങ്ക ഗൗരവമായി എടുക്കണമെന്നും നിതിന് ഗഡ്കരി പറഞ്ഞു.
രാജ്യത്ത് വിലവര്ധനവിനെതിരെ നടക്കുന്ന ജനങ്ങളുടെ പ്രതിഷേധത്തിന് ന്യായമായ കാരണമുണ്ട് പെട്രോള്-ഡീസല് വിലവര്ധനവ് സാധാരണക്കാരന്റെ നിത്യജീവിതത്തെയാണ് ബാധിക്കുന്നത്. ഇവയുടെ വില നിയന്ത്രിക്കേണ്ടത് അനിവാര്യമാണെന്നും നിതിന് ഗഡ്കരി അഭിപ്രായപ്പെട്ടു.
കഴിഞ്ഞ ദിവസം മധ്യപ്രദേശിലെ ചിത്രകൂടില് സമാപിച്ച ആര്എസ്എസിന്റെ നേതൃയോഗത്തിലും ജനജീവിതത്തെ നേരിട്ട് ബാധിക്കുന്ന ഇത്തരം സര്ക്കാര് നടപടികള്ക്കെതിരെ വിമര്ശനമുയര്ന്നിരുന്നു.