‘പാർവതി ആരാണ്’ എന്ന രചന നാരായണൻകുട്ടിയുടെ ചോദ്യത്തിന് വൈറലായി ഷമ്മി തിലകന്റെ ഉത്തരം. താരസംഘടനയായ അമ്മയുടെ ആസ്ഥാന മന്ദിരോദ്ഘാടനത്തില് സ്ത്രീ അംഗങ്ങളെ വേദിയിലിരുത്താത്തതിനെതിരെ വിമര്ശനമുയര്ത്തിയ നടി പാര്വതി തിരുവോത്തിനെ അഭിനന്ദിച്ച് നടന് ഷമ്മി തിലകന്. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
സോഷ്യല് മീഡിയയില് കഴിഞ്ഞദിവസം ചര്ച്ചയായി നടി രചന നാരായണന്കുട്ടിയുടെ ഒരു ചോദ്യത്തിന്റെ പശ്ചാത്തലത്തിലായിരുന്നു ഷമ്മിയുടെ ഫേസ്ബുക്ക് പോസ്റ്റ്. പാര്വതി ആരാണ് എന്ന നടി രചന നാരായണന് കുട്ടിയുടെ ചോദ്യത്തിന് മറുപടിയായിട്ടാണ് ഷമ്മി രംഗത്തെത്തിയത്.
‘ആരാണ് പാര്വതി, അപ്പപ്പൊ കണ്ടവനെ അപ്പാ എന്നു വിളിക്കാത്തവള്’, എന്ന് പാര്വതിയുടെ ഫോട്ടോ സഹിതം ഷമ്മി തിലകന് ഫേസ്ബുക്കില് പോസ്റ്റ് ചെയ്താണ് പിന്തുണയറിയിച്ചത്.
