കരൾരോഗത്തിന് ചികിത്സയിൽ കഴിയുന്ന നടൻ വിജയൻ കാരന്തൂരിനായി കുന്ദമംഗലം മസ്ജിദുൽ ഇഹ്‌സാൻ കൈകോർക്കുന്നു.വിഷയം പള്ളിക്കമ്മിറ്റി ചർച്ച ചെയ്യുകയും സഹായത്തിനായി തുക പിരിവിടാനും തീരുമാനമായി.കഴിഞ്ഞ അഞ്ച് വർഷത്തോളമായി കരൾ രോഗം മൂലം ചികിത്സയിൽ കഴിയുന്ന വിജയൻ കാരന്തൂർ ഒട്ടേറെ ശ്രദ്ധേയമായ സിനിമകളിലൂടെ പ്രേക്ഷക പ്രീതി നേടിയ നടനാണ്.ഏതാനും ദിവസങ്ങൾക്ക് മുൻപ് തന്റെ രോഗാവസ്ഥയെക്കുറിച്ച് വിജയൻ കാരന്തൂർ ഫേസ്ബുക്ക് പോസ്റ്റും ഇട്ടിരുന്നു,ഇദ്ദേഹത്തിന്റെ ചികിത്സ സഹായത്തിനായി നാട്ടുകാർ ചേർന്ന് കമ്മിറ്റിയും രൂപീകരിച്ചിട്ടുണ്ട്.ഇതാദ്യമായാണ് ഒരു പള്ളി കമ്മിറ്റി ഈ വിഷയത്തിൽ ഇടപെടാൻ ഒരുങ്ങുന്നത്,പണം സമാഹരിച്ച് നൽകാനാണ് ഇവരുടെ തീരുമാനം.
വിജയൻ കാരന്തൂരിനായി മസ്ജിദുൽ ഇഹ്‌സാൻ കൈകോർക്കാൻ ഒരുങ്ങുന്നു
